ඇයගේ සැමියා වසර කීපයක සිට විදෙස්‌ගතව රැකියාවක නිරතවී සිටින අතර
ජංගම දුරකථනයේ ඉමෝ ඇප් එකක් ඔස්සේ හඳුනාගත් දෙදරු පියකු සමග ඇය සම්බන්ධතාවයක් ගොඩනගාගෙන තිබේ.මොහු පොළොන්නරුව ප්‍රදේශයේ පදිංචි යුද හමුදාවේ සේවය කර විශ්‍රාම ගිය අයෙකි.
මොවුන් දෙදෙනාගේ අනියම් ඇසුර
ආවේගශීලීවූ විශ්‍රාමික යුද හමුදා සෙබළා පොළොන්නරුවේ සිට උයන්දනට පැමිණ අනියම් බිරිඳගේ නිවසේ රහසිගතව සිට මෙම අපරාධය සිදු කර ඇත.
සිද්ධියවූ 05 දා අලුයම 1.00 ට පමණ පැමිණි අනියම් සැමියා තියුණු ආයුධයකින් ඇගේ පපුව ඉදිරිපසට සහ පිටුපසට ඇන බරපතළ ලෙස තුවාල සිදු කර පළාගොස් ඇත.ඇයව අසල්වාසීන් විසින් රෝහල් ගත කරන්නට කටයුතු යෙදිණි.
ඇය කුරුණෑගල ශික්‍ෂණ රෝහලේ දැඩි සත්කාර ඒකකයේ ප්‍රතිකාර ලබමින් සිටින බවත් ඇගේ තත්ත්වය බරපතල බවත් පොලිසිය පැවසීය.කුරුණෑගල පොලිස්‌ බල ප්‍රදේශයට අයත් උයන්දන ප්‍රදේශයේ පදිංචිව සිටි 38 හැවිරිදි දෙදරු මවක මෙම හිරිහැරයට ලක් විය.
ඇය රෝහල් ගත වී සිටින අතර, අනියම් සැමියා අල්ලන්ට පොලිසිය යාමේදී ඔහු පළායන්නට තැත් කළත් උත්සාහය ව්‍යර්ථවී අත්අඩංගුවට පත්ව තිබේ.
ඔහු අධිකරණ නියෝගයෙන් 20 වැනි දින තෙක්‌ රක්‍ෂිත බන්ධනාගාරගත කර ඇති බව කුරුණෑගල මූලස්‌ථාන පොලිසියේ අපරාධ විමර්ශන අංශය පැවසීය.
