ඉන්දියාවේ පළමු සූර්ය නිරීක්ෂණ මෙහෙයුම පැය කිහිපයකින් අවසන් ගමනාන්තයට ළඟා වීමට නියමිතයි.
සෙනසුරාදා දිනයේ දී ඉස්රෝ අභ්‍යවකාශ ඒජන්සිය විසින් , අභ්‍යවකාශය තුල සූර්යයා නොනවත්වා නැරඹීමට හැකි ස්ථානයක Aditya-L1 යානය තැබීමට උත්සාහ කරනු ඇත.
ගමන ආරම්භ කළ සැප්තැම්බර් 2 වැනිදා සිට මාස හතරක් තිස්සේ යානය සූර්යයා දෙසට ගමන් කරමින් සිටින්නේය.
චන්ද්‍රයාගේ දක්ෂිණ ධ්‍රැවය ආසන්නයට ගොඩ බැසි පළමු රට බවට ඉන්දියාව ඉතිහාසගත වීමෙන් දින කිහිපයකට පසුව මෙම මෙහෙයුම දියත් කරන ලදී .
සෞරග්‍රහ මණ්ඩලයේ විශාලතම වස්තුව අධ්‍යයනය කිරීම සඳහා මෙහෙයවන ලද මෙම ඉන්දියාවේ ප්‍රථම අභ්‍යවකාශ පාදක මෙහෙයුම නම් කර ඇත්තේ හින්දු දෙවියන් වන සූර්යයාගේ නමින් ය. ඔහු ආදිත්‍ය ලෙසද හැඳින්වේ. තවද L1 යනු Lagrange point 1 යන්නයි . එනම් යානය ගමන් කරන සූර්යයා සහ පෘථිවිය අතර නිශ්චිත ස්ථානයයි.
යුරෝපීය අභ්‍යවකාශ ඒජන්සියට අනුව, Lagrange ලක්ෂ්‍යයක් යනු සූර්යයා සහ පෘථිවිය වැනි විශාල වස්තූන් දෙකක ගුරුත්වාකර්ෂණ බලයන් එකිනෙක අවලංගු වන ස්ථානය වන අතර, එය අභ්‍යවකාශ යානයකට "ස්ථාන ගත වීමට" ඉඩ සලසයි.
L1 පිහිටා ඇත්තේ පෘථිවියේ සිට කිලෝමීටර මිලියන 1.5 (සැතපුම් 932,000) දුරින් වන අතර, එය පෘථිවි - සූර්ය දුරින් 1% කි. මේ වන විටත් අභ්‍යවකාශ යානය සිය ගමනාන්තයට ඇති දුර බොහෝමයක් පසුකර අවසන් බව ඉස්රෝ පසුගියදා ප්‍රකාශ කළේය.
Aditya-L1 කක්ෂයේ ස්ථානගත කිරීම සඳහා සෙනසුරාදා ඉන්දීය වේලාවෙන් 4:00ට (GMT 10:30) "අවසාන උපාමාරුවක්" සිදු කරන බව ඉස්රෝ නිලධාරියෙක් පැවසීය.
ඉස්රෝ ප්‍රධානී එස් සෝමනාත් පවසා ඇත්තේ , ඔවුන් යානය කක්ෂයට හසුකර ගන්නා බවත්, ඉඳහිට එය තබා ගැනීම සඳහා තවත් උපාමාරු යෙදිය යුතු බවත්ය.
Aditya-L1 මෙම "යානා නැවැත්වීමේ ස්ථානයට" ළඟා වූ පසු එය පෘථිවිය හා සමාන වේගයකින් සූර්යයා වටා කක්ෂගත වීමට හැකි වනු ඇත. මෙම වාසිදායක ස්ථානයේ සිට සූර්යග්‍රහණ අවස්ථා වලදී මෙන්ම , ගුප්ත කාලවලදී පවා සූර්යයා නිරන්තරයෙන් නැරඹීමට සහ විද්‍යාත්මක අධ්‍යයනයන් සිදු කිරීමට එයට හැකි වනු ඇත.
කක්ෂය සූර්ය කිරීටය වන සූර්යාගේ පිටතම ස්ථරය එනම්, ප්‍රභාගෝලය (සූර්යයාගේ මතුපිට හෝ පෘථිවියේ සිට අප දකින කොටස) සහ වර්ණ ගෝලය (ප්‍රභාගෝලය සහ කොරෝනා අතර පවතින ප්ලාස්මා තුනී ස්ථරයකි) නිරීක්ෂණය කිරීම සහ අධ්‍යයනය කිරීම සඳහා විද්‍යාත්මක උපකරණ හතක් රැගෙන යයි. .
සැප්තැම්බර් 2 වන දින ගුවන්ගත කිරීමෙන් පසු, අභ්‍යවකාශ යානය සැප්තැම්බර් 30 වන දින පෘථිවි බලපෑමේ ගෝලයෙන් මිදීමට පෙර පෘථිවිය වටා සිව් වතාවක් ගමන් කළේය.
ඒජන්සිය පවසන්නේ යානයේ ඇති සමහර උපකරණ දැනටමත් දත්ත රැස් කිරීම සහ ඡායාරූප ගැනීමේ කටයුතු ආරම්භ කර ඇති බවයි.
ගුවන්ගත කිරීමෙන් දින කිහිපයකට පසු, මෙහෙයුම විසින් එවන ලද පළමු පින්තූර ඉස්රෝ විසින් බෙදා ගන්නා ලදී . ඉන් එකක් පෘථිවිය සහ චන්ද්‍රයා එක රාමුවක පෙන්වූ අතර දෙවැන්න එහි විද්‍යාත්මක උපකරණ දෙකක් පෙන්වීය.
තවද පසුගිය මාසයේදී ඒජන්සිය නැනෝමීටර 200 සිට 400 දක්වා තරංග ආයාමයකින් යුත් සූර්යයාගේ ප්‍රථම පූර්ණ තැටි ඡායාරූප නිකුත් කළ අතර, ඔවුන් පවසන්නේ එමගින් "සූර්යයාගේ ප්‍රභාගෝලයේ සහ වර්ණ ගෝලයේ සංකීර්ණ තොරතුරු පිළිබඳ අවබෝධයක්" ලබා දුන් බවයි.
සූර්ය සුළඟ සහ සූර්ය ගිනිදැල් වැනි සූර්ය ක්‍රියාකාරකම් සහ පෘථිවියට සහ අභ්‍යවකාශයට ආසන්න කාලගුණය මත ඒවායේ බලපෑම තත්‍ය කාලීනව තේරුම් ගැනීමට මෙම මෙහෙයුම උපකාරී වනු ඇතැයි විද්‍යාඥයෝ පවසති.
සූර්යයාගේ විකිරණ, තාපය සහ අංශුවල ගලායාම සහ සූර්යයාගේ චුම්බක ක්ෂේත්‍ර නිරන්තරයෙන් පෘථිවි කාලගුණයට බලපෑම් කරයි. ඉන්දියාවේ චන්ද්‍රිකා 50කට වැඩි ප්‍රමාණයක් ඇතුළුව 7,800 කට ආසන්න ප්‍රමාණයක් ස්ථානගත කර ඇති අභ්‍යවකාශ කාලගුණයට ද ඒවා බලපායි .
විද්‍යාඥයින් පවසන්නේ Aditya හට දින කිහිපයකට පෙර සූර්ය සුළං හෝ පිපිරීම් පිළිබඳව වඩා හොඳින් අවබෝධ කර ගැනීමට සහ පූර්ව අනතුරු ඇඟවීමක් ලබා දිය හැකි බවත්, එය ඉන්දියාවට සහ අනෙකුත් රටවලට චන්ද්‍රිකා හානියක් නොවන ආකාරයෙන් ගෙන යාමට උපකාරී වනු ඇති බවයි.
මෙහෙයුමේ පිරිවැය පිළිබඳ විස්තර ඉස්රෝ විසින් ලබා දී නැත, නමුත් ඉන්දියානු පුවත්පත්වල වාර්තා එය රුපියල් බිලියන 3.78 ($46m; £ 36m) ලෙස දක්වා ඇත.
සෙනසුරාදා දින උපාමාරුව සාර්ථක වුවහොත් ඉන්දියාව දැනටමත් සූර්යයා පිළිබඳ අධ්‍යයනය කරමින් සිටින තෝරාගත් රටවල් සමූහයකට එක්වනු ඇත.
එක්සත් ජනපද අභ්‍යවකාශ ඒජන්සිය වන නාසා 1960 ගණන්වල සිට සූර්යයා දෙස බලා සිටී; ජපානය සිය ප්‍රථම සූර්ය මෙහෙයුම 1981 දී දියත් කළ අතර යුරෝපීය අභ්‍යවකාශ ඒජන්සිය (ESA) 1990 ගණන්වල සිට සූර්යයා නිරීක්ෂණය කරයි.
2020 පෙබරවාරියේදී, Nasa සහ ESA එක්ව සූර්ය කක්ෂයක් දියත් කරන අතර එය සූර්යයා සමීපව අධ්‍යයනය කරමින් දත්ත රැස් කරමින් එහි ගතික හැසිරීම් මෙහෙයවන්නේ කුමක් දැයි තේරුම් ගැනීමට උපකාරී වනු ඇතැයි විද්‍යාඥයෝ පවසති.
තවද 2021 දී Nasa හි නවතම අභ්‍යවකාශ යානය Parker Solar Probe සූර්යයාගේ පිටත වායුගෝලය වන corona හරහා පියාසර කළ පළමු රට බවට පත්වෙමින් ඉතිහාසගත විය.
0 Comments