සමාජ මාධ්‍ය වේදිකා සඳහා ග්‍රාහක මුදල් ගෙවී​ම පළක්වේද?

 සමාජ මාධ්‍ය වේදිකා සඳහා ගෙවීමේ සංකල්පය පසුගිය කාලයේ බෙහෙවින් කථාබහට ලක්විය. ග්‍රාහකත්වය ලබාගැනීම වාසිද අවාසිද යන්න ගැටලුවකි. ඇත්​තටම ෆේස් බුක් හෝ ටිව්ටර් (එක්ස්) නිල් සලකුණ ​ලබාගැනීමට මුදල් ගෙවීම ඒ කියන තරම් වටිනවාද යන්න සාකච්ඡාවට ලක්වෙමින් පවතී. ලෝකයේ ඉහළම ධනවතා Elon Musk ගේ සමාජ ජාලය X වෙත මිනිසුන්ට මුදල්  ගෙවීමට අවශ්‍ය වන්නේ ඇයිද යන්න සමහරවිට පැනනගින ගැටලුවකි. සමහරු මෙය අනන්‍යතාවය තහවුරු කිරීම සදහා අවශ්‍ය බව කියයි. එක නමින් දෙතුන් දෙනෙකු සිටීම අනන්‍යතා බාධාවක් බැවින් එම ගැටලුව මුදලට විසදීම සමහරුන්ගේ අරමුණයි.
AI chatbot, Grok වෙත ප්‍රවේශය ලබාගැනීම සමහර සමාජ මාධ්‍ය වේදිකා වලින් ලැබෙන වාසි වෙයි.

සාම්ප්‍රදායික මාදිලි​යේ වෙළඳ ප්‍රචාරණ ආදායම මත රඳා පවතින සමාජ මාධ්‍ය වේදිකාවල විවිධ ආදායම් ආකෘතීන් පවතින අතර තාක්‍ෂණ සමාගම් ආදායම් උත්පාදනය සඳහා නව ක්‍රම ගවේෂණය කරන බැවින් දායකත්වය මත පදනම් වූ ආකෘති වෙත මාරුවීමක් පවතී. උදාහරණයක් ලෙස, Meta විසින් යුරෝපයේ Facebook සහ Instagram සඳහා දැන්වීම්-රහිත දායකත්ව ආකෘතියක් හඳුන්වා දුන් අතර Snapchat Plus සහ YouTube හි වාරික සේවාවද දැන්වීම්-රහිත විකල්ප ලබා දෙයි.

දැන්වීම් සහ දායකත්වයන් ඒකාබද්ධ කරන දෙමුහුන් මාදිලිවල අභියෝග පවතියි, සමහර ප්‍රවීණයන් අනතුරු අඟවන්නේ සෑම කෙනෙකුටම ගෙවීමට අවශ්‍ය නම් පරිශීලක සහභාගීත්වය අඩු විය හැකි බවයි. Exponential View හි නිර්මාතෘ Azeem Azhar, සමාජ ජාල වල වඩා හොඳ අත්දැකීමක් සඳහා ගෙවීමට කැමති අය සමඟ අන්තර්ගතය නිර්මාණය කරන නිදහස් පරිශීලකයින් තුලනය කිරීමේ වැදගත්කම යයි පව​සයි.

ස්වීඩනය වැනි ස්කැන්ඩිනේවියානු රටවල් සබැඳි ප්‍රවෘත්ති සඳහා ගෙවීමට කැමති පාඨකයන්ගෙන් ඉහළ ප්‍රතිශතයක් පවතී.
 නමුත් තුන්වන ලෝකයේ රටවල තත්වය වෙනස්ය. ගෙවීම් කරන අයට හොද අන්තර්ගතයන් ලැබීම හා සුළු මුදලක් ගෙවා හොද දෙයක් ලබාගන්නට ඇති පහසුව නිසා ග්‍රාහකයින් වැඩි පිරිසක් ඒවාට දායක වෙති. නිර්මාණකරුවන් ප්‍රේක්ෂකයින් සමඟ සම්බන්ධ කරන සහ දැන්වීම් ඇතුළත් නොකරන Substack වැනි වේදිකා​ද සාර්ථකත්වයට පත්ව ඇති අත​ර පාඨකයන් සමඟ විශ්වාසය ගොඩනැගීමේ වැදගත්කම සහ ඔවුන්ගේ අවධානයට ගරු කිරීම ඒ පසුපස ඇති බව එම සමාගම වරක් පවසා ති​බේ.

සමස්තයක් වශයෙන් සැලකීමේදී සමාජ මාධ්‍ය ගෙවිය යුතුද යන ප්‍රශ්නය බොහෝ අයට හිතට වද දෙන්නක්තු බව මේ කාලයේ පෙනී යයි.

තාක්ෂණික සමාගම් විසින් අනුගමනය කරන විවිධ ආදායම් ආකෘති සහ ඒ විශේෂංගයන්ම සමාජ ජාල වල නොමිලේ පැවතීම නිසා ගෙවන පරිශීලකයින් වාසියක්ම ලබයිද රැවටීමක සිටීද යන්න හදුනාගැනීමේ අභියෝග පෙන්වයි.
(BBC ඇසුරිනි)