නුවරඑළියට බලපා ඇති අධික ශීතලෙන් ආරක්ෂා වීම සඳහා කාමරය තුළ බාබක්‍යු උදුනක් දල්වාගෙන නින්දට ගිය අඹුසැමි යුවළකට විෂ වායුවක් ආඝ්‍රහණය වීමෙන් අවාසනාවන්ත ලෙස ජීවිතයෙන් සමුගැනීමට සිදුවී තිබේ.

පවතින අයහපත් කාලගුණික තත්ත්වයත් සමග ධාවනය වෙමින් තිබූ දුම්රියක් මතට හදිසියේ ගසක් කඩා වැටීම හේතුවෙන් ප්‍රධාන මාර්ගයේ දුම්රිය ගමනාගමනයට තාවකාලිකව බාධා එල්ල වී තිබේ.

බදු ගෙවන්නන් හඳුනාගැනීමේ අංකය (TIN) මෙතෙක් ලබාගෙන නොමැති පුද්ගලයන් මුහුණ දුන් ප්‍රායෝගික ගැටලුවලට ප්‍රතිචාර දක්වමින්, බැංකු ගිණුම් විවෘත කිරීම සහ වාහන ආදායම් බලපත්‍ර අලුත් කිරීම සඳහා තාවකාලික සහනයක් ලබාදීමට රජය පියවර ගෙන තිබේ. ඒ අනුව, එම ගනුදෙනු දෙක සඳහා ක්ෂණිකව TIN සහතිකයක් ඉදිරිපත් කිරීමේ අනිවාර්ය අවශ්‍යතාව තාවකාලිකව ලිහිල් කෙරේ.

රෝහල් පද්ධතියේ පරිපාලන කටයුතු වඩාත් කාර්යක්ෂම කරමින් මෙරට ජනතාවට ඉහළම ගුණාත්මක සෞඛ්‍ය සේවාවක් තහවුරු කිරීමේ අරමුණ පෙරදැරිව, දිවයිනේ ප්‍රධාන පෙළේ රෝහල් පහක් සඳහා නව අධ්‍යක්ෂවරුන් පත් කිරීම ඊයේ (02) සෞඛ්‍ය අමාත්‍යාංශයේදී සිදු කෙරිණි.

ක්‍රිෂ් ගනුදෙනුවට අදාළ නඩුවෙන් පාර්ලිමේන්තු මන්ත්‍රී නාමල් රාජපක්ෂට ඇප නියම වුවද, ඔහුට තවදුරටත් රක්ෂිත බන්ධනාගාරයේම කාලය ගත කිරීමට සිදුව තිබේ. අද (නොවැම්බර් 03) උදෑසන බන්ධනාගාර නිලධාරීන් විසින් මන්ත්‍රීවරයාව කොළඹ මහේස්ත්‍රාත් අධිකරණය වෙත රැගෙන එනු ලැබූ අතර, ඔහුගේ ඇප ඉල්ලීම පිළිබඳ නියෝගය පස්වරුවේ ප්‍රකාශයට පත් කිරීමට නියමිතව තිබුණි.

හිටපු බලශක්ති අමාත්‍ය ඉංජිනේරු කුමාර ජයකොඩි සහ වත්මන් මහජන ආරක්ෂක නියෝජ්‍ය අමාත්‍ය, නීතිඥ සුනිල් වටගල යන මහත්වරුන්ගේ දේපළ හා වත්කම් සම්බන්ධයෙන් පූර්ණ විමර්ශනයක් ආරම්භ කිරීමට අල්ලස් හෝ දූෂණ චෝදනා විමර්ශන කොමිෂන් සභාව පියවර ගෙන තිබේ.

කැලණිය විශ්වවිද්‍යාලයේ කාන්තා නේවාසිකාගාරයක අද (03) පෙරවරුවේ හදිසි ගින්නක් හටගෙන තිබේ. නේවාසිකාගාරයේ එක් කාමරයක් කේන්ද්‍ර කරගනිමින් මෙම ගින්න හටගෙන ඇති අතර, තත්ත්වය පාලනය කිරීම සඳහා වහාම ගිනි නිවන රථ යොදවා ඇත.

මුදල් විශුද්ධීකරණය වැළැක්වීමේ පනත යටතේ යෝෂිත රාජපක්ෂ සමඟ චෝදනා ලබා සිටි ඔහුගේ මිත්තණිය වන 98 හැවිරිදි ඩේසි ෆොරස්ට්, අදාළ නඩුවෙන් නිදහස් කිරීමට කොළඹ මහාධිකරණය නියෝග කර තිබේ.

පාරිභෝගිකයන්ට අලෙවි කිරීම සඳහා ගෑස් තොග සඟවාගෙන, තමන් සතුව ගෑස් නොමැති යැයි පවසමින් පාරිභෝගිකයන් මුළා කළ මහනුවර ප්‍රදේශයේ වෙළෙන්දෙකුට එරෙහිව නීතිය තදින් ක්‍රියාත්මක වී තිබේ. මෙම වංචනික ක්‍රියාව සම්බන්ධයෙන් අදාළ වෙළෙන්දාට දඩ මුදලක් නියම කළ මහනුවර මහෙස්ත්‍රාත් අධිකරණය, ඔහු සඟවාගෙන සිටි කිලෝග්‍රෑම් 12.5 ප්‍රමාණයේ ලිට්රෝ ගෑස් සිලින්ඩර් 28ම රාජසන්තක කිරීමටද නියෝග කර ඇත.

අපරාධ මර්දනය කිරීමේ ප්‍රමුඛ වගකීමක් පැවරී තිබූ නිලධාරියකුම මත්ද්‍රව්‍ය ජාවාරම්කරුවන්ගේ සමීපතමයකු බවට පත්වීමේ බරපතළ සිදුවීමක් පසුබිම් කරගනිමින්, අකුරැස්ස පොලිසියේ අපරාධ විමර්ශන අංශයේ ස්ථානාධිපතිවරයාව වහාම ක්‍රියාත්මක වන පරිදි සේවයෙන් පහ කිරීමට පොලිස්පති ප්‍රියන්ත වීරසූරිය මහතා නියෝග කර තිබේ.