වරප්‍රසාද සහ දූෂණයෙන් තොර නව දේශපාලන සංස්කෘතියක් ගොඩනැගීමේ පොරොන්දුව මත බලයට පැමිණි ජාතික ජන බලවේගයට, සිය පාර්ශ්වයේම ප්‍රාදේශීය දේශපාලනඥයෙකුගේ ආන්දෝලනාත්මක ප්‍රකාශයක් හේතුවෙන් දැඩි සමාජ විවේචනයකට මුහුණ දීමට සිදුව තිබේ. ඒ, කඩුවෙල නගරාධිපති රංජන් ජයලාල් මහතා විසින් පෞද්ගලික ආයතනවලින් රාජ්‍ය සේවකයන්ට ලැබෙන 'දෙසැම්බර් තෑගි පාර්සල්' යළි ඉල්ලා සිටීමත් සමඟය.

අනුරාධපුර පූජා භූමි සංවර්ධන සැලැස්ම මුල්කරගනිමින් පූජ්‍ය බලංගොඩ කස්සප හිමියන් ඇතුළු පිරිසක් ආරම්භ කර ඇති සත්‍යග්‍රහය සම්බන්ධයෙන් රජයේ ස්ථාවරය අද (10) පැවති කැබිනට් තීරණ දැනුම්දීමේ මාධ්‍ය හමුවේදී ප්‍රකාශයට පත් කෙරිණි. අමාත්‍ය වෛද්‍ය නලින්ද ජයතිස්ස මහතා එහිදී අවධාරණය කළේ, අදාළ සංවර්ධන සැලැස්ම පිළිබඳව යම් පාර්ශ්වයකට සැක සංකා පවතින්නේ නම්,

අද දින මැදවච්චිය රඹෑව ප්‍රදේශයේ ඒ-9 මාර්ගයේදී බස් රථ තුනක් එකිනෙක ගැටීමෙන් සිදුවූ අනතුරින් 5 දෙනෙකු මිය ගිය අතර තවත් පිරිසක් තුවාල ලබා රෝහල් ගත කළහ. අනතුර සිදුවූ අවස්ථාවේ එහි සිටි පුද්ගලයෙකු සිද්ධිය සම්බන්ධයෙන් විස්තර කරමින් සඳහන් කළේ අක්කරපත්තුවේ සිට යාපනය බලා ධාවනය වූ බස් රථය සහ ජනකපුර සිට කොළඹ බලා ධාවනය වූ බස් රථය මුහුණට මුහුණ ගැටුණු බවයි.

රටේ සමස්ත විශ්වවිද්‍යාල පද්ධතිය තුළ ගිවිසුම් හා බැඳුම්කර කඩ කරමින් විදේශගත වූ කථිකාචාර්යවරුන්ගෙන් රජයට අයවිය යුතු මුදල රුපියල් කෝටි 3,000 කට ආසන්න බවට පොදු ව්‍යාපාර පිළිබඳ පාර්ලිමේන්තු කාරක සභාවේදී අනාවරණය වී තිබේ. මහජන මුදලින් නඩත්තු වන විශ්වවිද්‍යාල පද්ධතිය තුළ පවතින මෙම බරපතළ තත්ත්වය පිළිබඳව විශේෂ අවධානය යොමු කළ කාරක සභාව, එම මුදල් අයකර ගැනීම සඳහා කඩිනම් හා විධිමත් ක්‍රමවේදයක් සකස් කිරීමේ අවශ්‍යතාව නිලධාරීන්ට දැඩිව පෙන්වා දී ඇත.

අනුරාධපුර ශ්‍රී මහා බෝධියේ හිටපු ප්‍රධාන කපු මහතාගේ නිවසේ ශීතකරණයකින් සහ ගෙවත්තෙන් වනසතුන්ගේ මස්, ජීවමාන ඉබ්බන් මෙන්ම ඇත්දළ අත්පලඳනාවක් සොයාගැනීමේ සිද්ධිය නවමු මුහුණුවරක් ගෙන තිබේ. සිය නිවස වැටලූ වනජීවී නිලධාරීන් තම මූලික මිනිස් අයිතිවාසිකම් උල්ලංඝනය කර ඇති බවට චෝදනා කරමින් හිටපු ප්‍රධාන කපු මහතා ශ්‍රී ලංකා මානව හිමිකම් කොමිෂන් සභාවට කළ පැමිණිල්ලකට අනුව, එළැඹෙන 16 වැනිදා අනුරාධපුර දිස්ත්‍රික් කාර්යාලය හමුවේ පෙනී සිටින ලෙස වනජීවී දෙපාර්තමේන්තුවේ නිලධාරීන් හත්දෙනෙකුට සිතාසි නිකුත් කර ඇත.

අනුරාධපුර රුවන්වැලි සෑ මළුව සහ පූජා භූමිය කේන්ද්‍ර කරගනිමින් මේ දිනවල ක්‍රියාත්මක වන සත්‍යග්‍රහය, හුදු ආගමික භක්තියකින් උපන් එකක් ද, නැතහොත් නීතිය සහ රාජ්‍ය පාලනයට අභියෝග කිරීමේ සංවිධානාත්මක දේශපාලන ව්‍යාපෘතියක් ද යන්න මේ වන විට සමාජය හමුවේ ඇති ප්‍රබලතම ගැටලුවයි. දේවානම්පියතිස්ස රජු බුදුන්ට පූජා කළ භූමියෙන් ඉවත් වීමට අනුරාධපුර මහේස්ත්‍රාත්වරයෙකුට නියෝග කළ නොහැකි යැයි පවසමින්, කස්සප නම් චීවරධාරියෙකුගේ මූලිකත්වයෙන් ක්‍රියාත්මක වන මේ විරෝධතාවය පිටුපස ඇත්තේ නිරවුල් දේශපාලන න්‍යායපත්‍රයක් බව ජ්‍යෙෂ්ඨ නීතිඥ අශෝක සේරසිංහ මහතා ටෝක් විත් සුදත්ත යූටියුබ් වැඩසටහනෛ්දී පෙන්වා දෙයි.

වන අලියකුගේ ජීවිතයත් මරණයත් අතර තීරණය රැඳී තිබුණේ ඉතා සියුම් මරු වැලක ස්පර්ශය මතය. අනුරාධපුර මිහින්තලේ නොච්චිකුලම ප්‍රදේශයේ බඩඉරිඟු හේනක් ආසන්නයේ සැරිසරමින් සිටි අග්බෝ හස්තියාට එල්ල වී තිබූ මාරාන්තික අනතුරක් වළක්වා ගැනීමට වනජීවී නිලධාරීහු පසුගිය අටවැනිදා සමත් වූහ.

දැඩි ආන්දෝලනයකට තුඩු දී තිබූ ‘සංවිධානාත්මක අපරාධ වැළැක්වීමේ පනත් කෙටුම්පතේ’ ඇතුළත් වූ මතභේදාත්මක විධිවිධාන හයක් සම්පූර්ණයෙන්ම ඉවත් කරගැනීමට තීරණය කර ඇති බව නීතිපතිවරයා ඊයේ (09) ශ්‍රේෂ්ඨාධිකරණයට දැනුම් දුන්නේය.

ජාතික ජල සම්පාදන හා ජලාපවහන මණ්ඩලයේ හිටපු සභාපති නිශාන්ත රණතුංග මහතා අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.අද (10) දින සිදු වූ මෙම අත්අඩංගුවට ගැනීමට ප්‍රධාන වශයෙන්ම හේතු වී ඇත්තේ රජයේ අරමුදල් අවභාවිත කිරීම සහ මූල්‍ය දූෂණ සම්බන්ධයෙන් එල්ල වී ඇති චෝදනාවයි.

ඇමෙරිකාව සහ ඉරානය අතර පවතින යුද්ධය යුදමය වශයෙන් ඵලදායී ලෙස අවසන් වී ඇති බවත්, ගැටුම නිමාවකට පත්වීමේ ප්‍රවණතාවක් පෙනෙන්නට තිබෙන බවත් එක්සත් ජනපද ජනාධිපති ඩොනල්ඩ් ට්‍රම්ප් 2026 නොවැම්බර් 9 වන දින ප්‍රකාශ කළේය. ගැටුමේ ප්‍රධාන මැදිහත්කරුවෙකු වන කටාර් රාජ්‍යයේ අගමැති ෂෙයික් මොහොමඩ් බින් අබ්දුල්රහ්මාන් අල් තානි සමඟ ඕවල් කාර්යාලයේ පැවති සාකච්ඡාවකින් අනතුරුව, ධවල මන්දිරයේ පැවති මාධ්‍ය හමුවකදී ට්‍රම්ප් මේ බව කියා සිටියේය.