ශ්‍රී ලංකාව සහ ඉන්දියාව අතර එළඹෙන දෙසැම්බර් 13 වැනිදා පැවැත්වීමට නියමිත පළමු එක්දින ක්‍රිකට් තරගය නවදිල්ලි නුවරින් ඉවත් කර විශාකාපට්නම් (Visakhapatnam) වෙත රැගෙන යාමට නිල වශයෙන් තීරණය වී තිබේ. මෙම වෙනස පිළිබඳව වාර්තා කර තිබූ ඉන්දීය මාධ්‍ය පෙන්වා දෙන්නේ, නවදිල්ලි නුවර අරුන් ජෙට්ලි ක්‍රීඩාංගණයේදී පැවැත්වීමට නියමිතව තිබූ මෙම ආරම්භක තරගය වෙනත් ක්‍රීඩාංගණයකට මාරු කිරීමට හේතු වී ඇත්තේ දිල්ලි සහ දිස්ත්‍රික් ක්‍රිකට් සංගමය (DDCA) විසින් ඉන්දීය ක්‍රිකට් පාලක මණ්ඩලයෙන් (BCCI) කරන ලද විශේෂ ඉල්ලීමකි.

බස්නාහිර පළාත් මහ ඇමැතිවරයාව සිටිමින් පසුව අමාත්‍යවරයෙකු ලෙස ද කටයුතු කළ ප්‍රසන්න රණතුංගට, කොළඹ මහාධිකරණය විසින් නියම කර ඇති රුපියල් මිලියන 25ක දඩ මුදලින් ඉතිරිව ඇති රුපියල් ලක්ෂ 90ක මුදල ගෙවීම සඳහා තවත් කාලය අවශ්‍ය වී තිබේ. අද දිනයේ අදාළ මුදල ගෙවීමට නියමිතව තිබුණ ද, නඩුව කැඳවූ අවස්ථාවේදී සිය නීතිඥවරයා මාර්ගයෙන් හිටපු අමාත්‍යවරයා අධිකරණයෙන් ඉල්ලා සිටියේ එම ඉතිරි මුදල පියවීම සඳහා තමන්ට තවදුරටත් කල් ලබාදෙන ලෙසයි.

ලන්ඩන් බලා පියාසර කිරීමට සූදානම් වූ ශ්‍රී ලංකන් ගුවන් සේවයට අයත් යූඑල් 503 යානය ගුවන්ගත වීමට ඔන්න මෙන්න කියා තිබියදී නියමුවන්ට එය අතරමඟ නවතා දැමීමට සිදුවිය. ඊට හේතු වූයේ යානයේ එක් එන්ජිමක මුහුදු රාජාලියෙකු ගැටීමයි.

ෆොටෝකොපි කඩදාසි ගෙන්වන මුවාවෙන් ඉන්දියාවේ සිට මෙරටට හොර රහසේ රැගෙන ආ රුපියල් මිලියන 792ක් පමණ වටිනා දැවැන්ත විදේශීය දුම්වැටි තොගයක් ශ්‍රී ලංකා රේගුවේ මධ්‍යම විමර්ශන අංශය විසින් අත්අඩංගුවට ගෙන තිබේ.

ලෝක ප්‍රකට 'පර්ඩි' (Purdey) කොණ්ඩා මෝස්තරය හෙවත් 'ඩයනා කට්' ලෙස 1980 දශකයේ ලංකාවේද ප්‍රකටවූ කොණ්ඩා මෝස්තර නිර්මාතෘ මෙන්ම ජනප්‍රිය 'Frizz Ease' හිසකෙස් සත්කාරක සන්නාමයේ හිමිකරු වූ ප්‍රවීණ කේශාලංකාර ශිල්පී ජෝන් ෆ්‍රීඩා සිය දිවි ගමනින් සමුගෙන තිබේ. මියයන විට ඔහුගේ වයස අවුරුදු 75කි.

ගිංතොට දුම්රිය ස්ථානයට නුදුරින්, ගංගාතිලක විහාරයට යන මාර්ගය අසල දුම්රිය මාර්ගය පසෙක වැටී තිබූ ඒ තරුණියගේ නිසල සිරුර අසලින් හදිසියේම ඇගේ ජංගම දුරකතනය නාද වන්නට විය. ඒ වන විටත් සිද්ධිය වූ ස්ථානයට පැමිණ සිටි ගාල්ල පොලිසියේ නිලධාරියෙකු එම ඇමතුමට පිළිතුරු දෙමින් කතා කරන්නේ කවුරුන්දැයි විමසූ මොහොතේ, අනෙක් පසින් ඇසුණේ ඇගේ සැමියාගේ හඬයි.

මේ වසරේ ඔක්තෝබර් සිට දෙසැම්බර් දක්වා වූ සිව්වන කාර්තුව සඳහා විදුලි ගාස්තු වැඩි කිරීමේ කිසිදු අවශ්‍යතාවක් නොමැති බව ජාතික පද්ධති ක්‍රියාකරු සමාගම හෙවත් NSO පෞද්ගලික ආයතනය අවධාරණය කර සිටී.

අත්‍යවශ්‍ය මූල්‍ය සහ පරිපාලනමය ගනුදෙනු අටක් සඳහා බදු ගෙවන්නන් හඳුනාගැනීමේ අංකය (TIN) අනිවාර්ය කිරීමේ නීතිය ක්‍රියාවට නැංවීම 2027 අප්‍රේල් 1 වනදා දක්වා කල් දැමීමට දේශීය ආදායම් දෙපාර්තමේන්තුව තීරණය කර තිබේ. දේශීය ආදායම් කොමසාරිස් ජනරාල්වරයා විසින් තහවුරු කරන ලද මෙම තීරණයත් සමඟ, නොවැම්බර් 1 වනදා සිට බලාත්මක වූ එම අවශ්‍යතාව සම්පූර්ණ කිරීම සඳහා මහජනතාවට තවත් මාස පහක සහන කාලයක් හිමි වේ.

නීතිය ක්‍රියාත්මක කිරීමට ගිය පොලිස් නිලධාරියකුට අමානුෂික ලෙස පහර දී ඔහුගේ ඇසක් අන්ධ කර, දත් එකොළහක් කඩා දමමින් ඝාතනය කිරීමට තැත් කිරීමේ නඩුවකට වරදකරු වී සිරදඬුවම් නියම වූ ප්‍රධාන විත්තිකරුවකු මේ වන විට අධිකරණය මඟහැර පලාගොස් තිබේ. මෙලෙස සැඟව සිටින්නේ කොබෙයිගනේ විවිධ සේවා සමුපකාර සමිතියේ හිටපු සභාපතිවරයා ලෙස කටයුතු කළ ආර්.

2019 පාස්කු ඉරුදින කතෝලික දේවස්ථාන සහ තරු පන්තියේ හෝටල් ඉලක්ක කර එල්ල වූ මරාගෙන මැරෙන ත්‍රස්ත ප්‍රහාර මාලාව, රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේගේ සැලසුම් සහගත මෙහෙයවීමක් යටතේ සහ තවත් තිදෙනෙකුගේ වක්‍රාකාර දැනුවත් වීම මත සිදුවූවක් බව රහස් පොලිසිය ඊයේ (04) කොළඹ කොටුව මහේස්ත්‍රාත් අධිකරණය හමුවේ අනාවරණය කළේය.