චිලී තිලංක පොලිස් අත්අඩංගුවට
Update-2pm
පුද්ගලයෙකුට පහරදීමේ සිද්ධියක් සම්බන්ධයෙන් සැකපිට අත්අඩංගුවට ගත් ගායක චිලී (තිලංක විදූෂ) මහතා එළැඹෙන 25දා දක්වා රක්ෂිත බන්ධනාගාර ගත කර තිබේ.
Update-11am
ප්‍රකට ගායන ශිල්පියෙකු හා නළුවෙකු වන චිලී තිලංක අද උදෑසන තලංගම පොලිසිය මගින් අත්අඩංගුවට ගෙන තිබේ. එයට හේතුවූයේ ඔහු ගම්වැසියෙකුට සිදු කළ පහරදීමකි.
පසුගියදා බත්තරමුල්ල පැලවත්ත විජිතපුර ප්‍රදේශයේ අතුරු මාර්ගයක නිවසක පුණ්‍ය කටයුත්තක් හේතුවෙන් වාහන අවහිරවීම් පැවති අවස්ථාවක චිලී සිය වාහනයෙන් ගමන් කරමින් සිටියදී
වාහනය හිරවීම නිසා ඒ ආසන්නයේ ගමන් කරමින් සිටි පුද්ගලයෙකුට
සිද්ධිය සම්බන්දයෙන් 57 හැවිරිදි පහරකෑ පුද්ගලයා තලංගම රෝහලේ සිට පැවසුවේ මෙසේය.
“මට හෝන් ගැහුවාම කිව්වා අයින්වෙන්න තැනක් නෑනේද කියල.එහෙම කිව්ව විතරයි උස හාදයෙක් වාහනයෙන් බැහැල ඇවිත් මට දිගටම පයින් ගහගෙන ගහගෙන ගියා.මට පළවෙනි දෙවැනි පාරට පස්සෙ මතක නෑ. පස්සෙ බණ ගෙදර කට්ටිය ඇවිත් බේර ගත්තා. මිනිහ පැනල ගියා. ආරංචි වුණා ඒ චිලී කියල නළුවෙක් බව.තොල මැද්දෙ මැහුම් දෙකක් දැම්මා හක්ක තුවාල වුණා. කොන්දත් තුවාල වුණා“
සිද්ධියෙන් පසු දින දෙකක් පමණ තිස්සේ අතුරුදන්ව සිටි චිලී තිලංක අද පෙරවරුවේ තලංගම පොලිස් ස්ථානයට පැමිණ ප්‍රකාශයක් ලබාදුන් පසු අත්අඩංගුවට පත්විය.
ඔහුව අද අධිකරණය හමුවට ඉදිරිපත් කරන්නට ද නියමිතය.
සිද්ධිය සම්බන්ධ වීඩියෝ වාර්තාවක් පහතින්
