පසුගියදා මට්ටක්කුලිය ප්‍රදේශයේදී සිව්දෙනෙකු වෙඩි තබා ඝාතනය කළ සිදුවීමට ප්‍රධාන සැකකරු වූ එම සිද්ධියෙන් පසු පළාගොස් සැඟව සිටි පාතාල නායක කුඩු රොෂාන් ඇතුළු 11ක් ගිනි අවි සමග රත්නපුර
ප්‍රදේශයේදී අත්අඩංගුවට
කොළඹ අපරාධ කොට්ඨාසය මගින් රත්නපුර,ලෙල්ලුපිටිය ප්‍රදේශයේදී කළ මෙහෙයුමකදී අත්අඩංගුවට ගත් මොවුන් සමග ටී.56 අවියක් සහ පිස්තෝල දෙකක්ද පොලිස් බාරයට ගෙන ඇත.
පාර්ශව දෙකක් අතර කාලයක් තිස්සේ දිග්ගැසුණු ආරාවුලක ප්‍රතිඵලයක් ලෙස මෙම ඝාතන සිදුව ඇති බව මූලික ප්‍රශ්න කිරීම්වලදී හෙළිදරව් වී ඇති බව පොලීසිය පවසයි.
අත්අඩංගුවට ගනු ලැබූ සැකකරුවන් අද (26) අලුත්කඩේ උසාවියට ඉදිරිපත් කිරීමට නියමිතය.
