දැනට සකස් කරමින් පවතින නව ආණ්ඩුක්‍රම ව්‍යවස්ථාව, පාර්ලිමේන්තුවේ තුනෙන් දෙකක ඡන්දයෙන් පමණක් නොව ජනමත විචාරණයකින්ද අනුමත කළ යුතු බව අගමැති රනිල් වික්‍රමසිංහ ප්‍රමුඛ පක්ෂ නායකයින් තීරණය කර තිබේ.
ආණ්ඩුක්‍රම ව්‍යවස්ථා
කමිටු වාර්තා ඉදිරිපත් කළ අගමැතිවරයා කියා ඇත්තේ විධායක ජනාධිපති ධුරය පිළිබඳ විකල්ප තුනක් ඉදිරිපත්ව ඇති බවයි. ඒ පිළිබඳව පාර්ලිමේන්තුවේ සහ ජනතාවගේ අදහස් මත සුදුසු විකල්පය තෝරා ගනු ලබන බව අගමැතිවරයා සඳහන් කළේය.
මෙම මෙහෙයුම් කමිටු සහ අනුකාරක සභා වාර්තා, පාර්ලිමේන්තුවේ විවාද කර 2/3 අනුමැතිය ලබාගන්නා බවත් පන්සල්, පල්ලි, දේවස්ථාන, කෝවිල් සහ පාසල් මෙන්ම ජනතාව වෙතද වෙබ් අඩවිය හරහා රැගෙන යෑමට සූදානම් වන බවත් පසුව 2017 වසරේ පවත්වන ජනමත විචාරණයකින් සම්මත කරගෙන නව ව්‍යවස්ථාව එතැන් සිට බලගන්වන බවත් අගමැතිවරයා පවසා ඇත.
