තිඹිරිගස්යාය සිරිපා පෙදෙසේ ගෙවත්තකින් දුර්ලභ පක්ෂියෙකු හමු වූ බව පරිසරවේදීහු පවසති. මැලේයානු රෑ කොකා (Malayan Night Heron) නමින් හඳුන්වන මෙම පක්ෂියා ගිණිකොණ දිග ආසියාවේ සිට ලංකාවට සංක්‍රමණය වන සංචාරක පක්ෂියෙකි. විශේෂයෙන් රාත්‍රි කාලයේදී ක්‍රියාශීලී වන බැවින් රෑ කොකා ලෙස හඳුන්වයි.
මෙම කාලවකවානුවේ ශ්‍රී ලංකාවට බොහෝ සංචාරක කුරුල්ලන්ගේ පැමිණීම සිදුවන අතර මෙසේ හෙම්බත් වුනු කුරුල්ලන් බේරා ගැනීම පිළිබද අවධානයෙන් සිටින ලෙස ක්ෂේත්‍ර පක්‍ෂි විද්‍යා අධ්‍යයන කවය ජනතාවගෙන් ඉල්ලා සිටියි. හෙම්බත් වුනු අවිච්චියන් කිහිපදෙනකුද පසුගිය දිනවල වාර්තා වී තිබිණ.
( සිරංගිකා ලොකුකරවිට - courtesy by ada.lk)
