මුත්‍රා සාම්පල් පරීක්‌ෂා
වාහන 90 ක් ඥඡාතීන්ට හිතවතුන්ට ලබාදී අවභාවිත කිරීමේ චෝදනාවකට රක්ෂිත බන්ධනාගාර ගතකර සිටින විමල් වීරවංශ මහතා කියා සිටින්නේ එම අවභාවිතාව තමා පමණක් නොව නියෝජ්‍ය ඇමතිවරුන් සමග හවුලේ කළ බවත් තමාට පමණක් දඩුවම් ලබාදීම අසාධාරණ බවත්ය.
ඔහු කිසිවිටෙක තමා අවභාවිතා කරන ලද රජයේ මුදල් නාස්තිය ගැන ප්‍රකාශ නොකරන අතරම අධිකරණ තීන්දුව වෙනස් කරන්නැයි උසාවියට බලපෑම් කිරීමේ සටන වෙනුවෙන් පවුලේ අය සමග එක්වී කෑම නොගෙන සිටින බව කියයි.
බන්ධනාගාර රෝහලින් ඔහුව ජාතික රෝහලට ගෙන ගියේද හදිසි අසනීපයක් නිසා නොව පරීක්ෂණ වලට පහසු බව කියමින් කලින් සූදානම් කළ ආකාරයටය.
කෙසේ වෙතත් මේ වන විට දින 9 ක් දක්වා උපවාසය ක්‍රියාත්මක වුවත් වෛද්‍ය විද්‍යාත්මක හාස්කමක් ඉඟිකරමින් ඔහුගේ සිරුරේ කිසිදු දුර්වලතාවයක් දක්නට නැති බව රෝහල් ආරංචි හෙළි කරයි.
