බ්‍රිතාන්‍ය අගමැති තෙරේසා - මේ ගේ කොන්සවේටිව් පක්ෂයට මෙවර මහ මැතිවරණයෙන් බහුතරයක්
ලබාගත නොහැකි වනු ඇතැයි,
මැතිවරණයේ අවසන් නිල ප්‍රතිඵලය අද ප්‍රකාශයට පත් කිරීමට නියමිතයි. බ්‍රිතාන්‍යයේ මහ මැතිවරණය ඊයේ පැවැත්වුණා.
පාර්ලිමේන්තුවේ ආසන 650ක් සඳහා නියෝජිතයන් පත් කර ගැනීමේ අපෙක්ෂාවෙන් කෝටි 4කට අධික ජනතාවක් ඡන්දය ප්‍රකාශ කළා. මේ වන විට ඡන්ද ගණන් කෙරෙමින් පවතිනවා. දැනට ප්‍රතිඵල නිකුත්කර ඇත්තේ ආසන 170ක පමණයි.
එම ප්‍රතිඵලවලට අනූව ජෙරම් කෝබින්ගේ කම්කරු පක්ෂය ආසන 83ක් ලබා ගනිමින් ඉදිරියෙන් සිටිනවා. අගමැති තෙරේසා - මේගේ කන්සවේටිව් පක්ෂය ලබා ඇත්තේ ආසන 66ක් පමණයි.
එසේ වුව ද ආසන 314ක් ලබා ගනිමින් එම පක්ෂය මැතිවරණය ජයග්‍රහණය කරනු ඇති බවයි, පූර්ව මත විමසුම්වලින් හෙළිවන්නේ. නමුත් බහුතරයක් හිමි කර ගැනීමට නම් ඕනෑම පක්ෂයක් ආසන 326ක් ජයග්‍රහණය කළ යුතුයි. එබැවින් කිසිඳු පක්ෂයකට බහුතරයක් ලැබිය නොහැකි බවටයි, විශ්වාස කෙරෙන්නේ.
