පන්සලේ පිං කැටේ ඇති මුදල්වලටත් යහපාලන ආණ්‌ඩුව බදු ගැසීමට සූදානම් වන බවට හිටපු ජනාධිපති. මහින්ද රාජපක්‍ෂ මහතා කර ඇති ප්‍රකාශය සම්පූර්ණ අසත්‍යයක්‌ යෑයි ශ්‍රී ලංකා නිදහස්‌ පක්‍ෂයේ
මහ ලේකම් කෘෂිකර්ම ඇමැති දුමින්ද දිසානායක මහතා මාධ්‍යට පැවැසීය.
මෛත්‍රිපාල සිරිසේන මහතා ජනාධිපතිවරයා ලෙස කටයුතු කරන තාක්‌කල් බුදුදහමට හෝ බෞද්ධ වෙහෙර විහාරවලට හානියක්‌ කිරීමට කිසිම ජගතකුට ඉඩ නොදෙන බවද ඇමැතිවරයා සඳහන් කළේය.
පන්සල්වල පමණක්‌ නොව වැව්වල පවා තිබූ නිධන් වස්‌තු කොල්ල කමින් රට විනාශය කරා රැගෙන ගියෙත්, දළදා මාළිගාව ඉදිරිපිට භික්‍ෂූන් වහන්සේලා ගිනි තබාගෙන සියදිවි නසා ගත්තෙත් හිටපු ජනාධිපතිවරයාගේ පාලන සමයේදී බවද ඇමැතිවරයා පැවැසීය.
