බෙන්තොට, මිරිස්වත්ත, මහකුරුන්ද වත්ත, සුරම්‍යගම නිවාස 25ක් ජනතා අයිතියට පත් කිරීමෙන් අනතුරුව පැවැති ජන හමුවේදී ඇමති සජිත් ප්‍රේමදාස මෙසේ කියා තිබේ.
මගෙත් එක්ක වැඩ කරන්න ටිකක් අමාරුයි. මොකද මගේ ඉලක්කයට යනතුරු මම ටිකක් මුරණ්ඩුයි. මගේ පියා වැඩකළේ යම්කිසි ඉලක්කයක් අනුවයි. මටත් ඒ වගේ ඉලක්කයක් තිබෙනවා. මගේ ඉලක්කය මගේ පියාගේ ඉලක්කයන් පවා අභිභවා යෑමයි. මගේ නිලධාරීන් ඒ අනුව වැඩ කරන්න ඕනේ. මට ඉතා හොඳ කාර්ය මණ්ඩලයක් ඉන්නවා. ඒත් මම නිතරම ඔවුන් අගය කරන්නේ නැහැ. ඒ කලාතුරකින් කරන ඇගයීම. මෙහිදී කරනවා. රටේ පොදු ජනතාව වෙනුවෙන් වෙන් කරන හැම තඹ සතයක්ම වැය කොට ජනතාවට අවශ්‍ය උපරිම සේවාවක් ලබා දීමට මට අවශ්‍යයි. ඒ සඳහා මේ නිලධාරීන් දැඩි කැපවීමකින් කටයුතු කරනවා. මම හරියටම ගණන් බැලුවේ නැහැ. ඒත් මට හිතෙන විදියට අපට තව ඉතිරිව ඇති කාලය මාස තිස් අටයි. අපේ රාජ්‍ය බලය ඉවර වෙන්න කලින් අඩුම තරමින් මේ වගේ උදා කළ ආදර්ශ ගම්මාන 2,500ක්වත් හැදීම මගේ ප්‍රධාන ඉලක්කය.
අද මේ රටේ ජනාධිපතිතුමයි, අගමැතිතුමයි, දෙන්නම සුපිරිසුදු නායකයෝ දෙන්නෙක් බව
දැන් අලුතෙන්ම කියන කතාව තමයි අපි ගේන්න යන ආණ්ඩුක්‍රම ව්‍යවස්ථාවෙන් බුද්ධාගමට තර්ජනයක් වෙනවාලු. බුද්ධාගමට කොහොම වෙතත්, බල ලෝභයෙන් වැඩ කරලා මහජන මුදල් කොල්ලකෑමට නැවතත් බලයට එන්න දඟලන අයට වගේම විධායක ජනාධිපතිකමෙන් අයුතු දේවල් කළ අයට නම් මේකෙන් තර්ජනයක් වෙයි. බුද්ධාගමට දිය යුතු සුපිරිම තැන අපේ රජයෙන් ලබා දෙනවා. ඒ ගැන කිසිම සැකයක් තියාගන්න එපා. ඔය බුද්ධාගමට හානි වෙනවා යැයි කියා කෑගහන කට්ටිය අවුරුදු ගාණක් බලයේ හිටියත් එකම එක චෛත්‍යයක්වත් හැදුවද? මගේ තාත්තා හැම උදාගමක් සමඟම චෛත්‍යයක් බැගින් හැදුවා. බිමට වැටිලා තිබූ බුදු පිළිම කෙළින් කළා.
දැන් හැමෝම එක එක ප්‍රකාශ කරනවා. දළදා මැඳුර ඉදිරිපිට වැලි කොට්ට දාගෙන කාර් රේස් පදින එක එතකොට බුද්ධාගමට හොඳයිද? මගේ පියා හැදූ රන් වියන ඉදිරිපිට කාර් රේස් පැදීම හොඳයිද? රණවිරුවන් යොදාගෙන ඒවාට වැලි කොට්ට දමා ගෙනයි ඒ රේස් පැද්දේ. එතකොට බුද්ධාගමට නිගරු වෙන්නේ නැද්ද? අද බොරුවට කෑගහන අය එදා එක වචනයක්වත් කිව්වද? නෑ ඒකට තමයි කියන්නේ දේශපාලන නිවටකම නැතිනම් බියගුලුකම කියලා. අපි බුද්ධාගමට සුපිරිම තැන දෙන ගමන් රටේ ස්වෛරීභාවය, ඒකීය භාවය ආරක්ෂා කරනවා. ඒත් අපි දේශද්‍රෝහීන්ලු. මේ මොන විහිළු කතාද?
විපක්ෂයේ ඉන්න අය කියන විදියට ස්වාධීන මැතිවරණ කොමිසම ක්‍රියාත්මක කිරීම රටට කරන ද්‍රෝහීකමක්ලු. ස්වාධීන අල්ලස් කොමිසම, ස්වාධීන රාජ්‍ය සේවා කොමිසම, තොරතුරු දැනගැනීමේ පනත වැනි දේවල් ක්‍රියාත්මක කිරීම රටට කරන ද්‍රෝහීකමක්ලු. රටටත්, ජනතාවටත්, ද්‍රෝහීකම් සිදුවන්නේ කාගෙන්වත් නෙවෙයි හිටපු පාලකයන්ගෙනුයි. 2010දී ජනාධිපතිවරණයෙන් පස්සේ 17 වැනි ආණ්ඩුක්‍රම ව්‍යවස්ථාව සංශෝධනය කරල 18 වැනි සංශෝධනය ගෙනාවා. ඒකෙන් කළේ ජනාධිපතිවරයකු පත්වන වාර ගණන
ගිනි පොලියට මුදල් ණයට අරගෙනයි. ලක්ෂ 12,000කට ඇස්තමේන්තු කරලා ඊටත් වඩා වියදම් කරලා සූරියවැව ක්‍රීඩාංගණය හදනවා වෙනුවට ගෙවල් ටිකක් හැදුවා නම් නරකද? අද මේ රටේ ලක්ෂ විසි පහකට ඉන්න හිටින්න ගෙවල් නැහැ. වරායවල් හදන එක නරකයි කියා මම කියන්නේ නැහැ. ඊට කලින් මිනිස්සු ජීවත් කරවන්න ඕනෑ. අද හුඟදෙනෙක් ඉන්නේ කුලී ගෙවල්වලයි. මහගෙවල්වලයි. බද්දට ගත් ගෙවල්වලයි. නැතිනම් මහ පාරේයි. එදා ආශ්චර්යවත් යුගයේත් මිනිස්සු මහපාරේ ජීවත් වුණා.
අද මේ රටේ මොන තරම් නිදහසක් තිබෙනවාද? වැඩ වර්ජන මොන තරම් තිබෙනවාද? උද්ඝෝෂණ හා විරෝධතා මොන තරම් තිබෙනවාද? අද තිබෙන්න් පණ නැති ආණ්ඩුවක්ලු. රතුපස්වල වතුර ඉල්ලන කොට වෙඩි වරුසාවල් තියන එකද ප්‍රාණවත් බව කියන්නේ. නැත්නම් ධීවරයන් පාරට එනකොට වෙඩි තියන එකද ප්‍රාණවත් බව කියන්නේ? වෙඩි තිබ්බා විතරක් නෙවෙයි එදා වෙඩි තියපු අය පිටරටවල මහ කොමසාරිස් තනතුරුවලටත් පත් කළා. ටී පනස් හයෙන් වෙඩි තියන එකද මේ අය ප්‍රාණවත් බව කියන්නේ? අර්ථකථන වැරැදි විදියට යොදා ගන්න එපා. සමහරු කියනවා අද මේ රටේ ආණ්ඩුවක් තියෙනවද නැද්ද කියලත් කියන්න බැරිලු. මම දැන් කීප වතාවක්ම කිව්වා මේ ආණ්ඩුව වැඩ කරලා නැතැයි කියනවා නම් කරපු වැඩ පෙන්වන්න මගෙත් එක්ක එන්නයි කියා. මගේ ප්‍රශ්නවලට උත්තර දෙන්න ඒ අයට රෙද්දක් ඇඳගෙන එන්න බැහැ
බෙන්තොට - ඇම්. මීගහපොළ
