බුර්කාවකින් සැරසී පාර්ලිමේන්තු ආ මන්ත්‍රීවරිය
ඕස්ට්‍රේලියා‍ව තුළ මුස්ලිම් සංස්කෘතික විරෝධයන් සම්බන්ධ කථාබහ මේ දිනවල තදින් සිදුවේ. මේ අතරවාරයේ ඔස්ට්‍රේලියාව තුළ මුස්ලිම් කාන්තාවන් බුර්කාව ඇඳීම තහනම් කළ යුතු බව කියන එරට පාර්ලිමේන්තු සෙනෙට් මන්ත්‍රීවරයක ඊයේ (17දා) බුර්කාවකින් සැරසී පාර්ලිමේන්තුවට පිවිසියාය.
එසේ පැමිණියේ
එරට වන් නේෂන් පක්ෂයේ නායිකා පෝලින් හැන්සන්ය.
වර්තමානයේ යුරෝපය ඇතුළු බටහිර ලෝකය මුහුණදෙන ත්‍රස්ත ප්‍රහාර ඇය සිහි කැඳවා ඇත.
ඇය පාර්ලිමේන්තුව වෙත ඉදිරිපත් කළ මෝසම ඊයේ දිනයේදී විවාදයට ගැනීමට නියමිතව තිබුණි.
කෙසේ නමුත් එරට නීතිපතිවරයා මන්ත්‍රීවරියගේ ක්‍රියාව හෙළා දැක ඇති අතර, එවැනි තහනමක් ගෙනඒම ඕස්ට්‍රේලියානු බහු සංස්කෘතික රාජ්‍ය නීතිරීති අනුව අපහසු බව ප්‍රකාශ කර තිබේ.ඕස්ට්‍රේලියාවේ මිලියන බාගයකට ආසන්න මුස්ලිම් ජනතාවක් වාසය කරන බවද ඔහු මතක් කර දුන්නේය.
ඇය විසින් සිදුකළ ක්‍රියාව අද ඕස්ට්‍රේලියානු පුවත්පත්වලද ප්‍රධාන සිරස්තලය ලෙස සටහන් විය.
