ආයතනයේ දැනට ඉගෙන ගන්නා දරුවන්ට විසඳුමක් දීලා නෑ. රාජ්‍ය වෛද්‍ය ශිෂ්‍යයෝ පාරේ ඉන්නවා. ඒ අය නැවත දේශනවලට කැඳවන්න ක්‍රමයක් ඒ වාර්තාවේ සඳහන් කර නැතැයි වෛද්‍ය නවීන් ද සොයිසා අවධාරණය කරයි.
වෛද්‍ය අධ්‍යාපනයේ ප්‍රමිතිය සම්බන්ධයෙන් වෛද්‍ය සභාව ලබා දී ඇති නිර්දේශ
රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ
ජනාධිපතිවරයා එම කමිටුවේ සාමාජිකයකු ලෙස නීතිපතිවරයා නම් කර තිබියදී නීතිපතිවරයා වෙනත් අයකු කමිටුව නියෝජනය කරවීමෙන් ජනාධිපති අභියෝගයට ලක් කර තිබෙනවා. ඒක නීති විරෝධීයි. ජාත්‍යන්තරය විසින් ප්‍රතික්‍ෂේප කරපු ආයතනයක් ආරක්‍ෂා කරන්න මේ කමිටුවේ වාර්තාව මඟින් කටයුතු කර තිබෙනවා. කමිටුවේ වගකීම හරිහැටි ඉටු නොකර එම නිර්දේශ කැබිනට් මණ්ඩලයට ඉදිරිපත් කරන්නේ නැතුව ප්‍රකාශයට පත්කර තිබෙනවා. සෞඛ්‍ය අමාත්‍යාංශයට වෙන් කර ඇති මුදල් නෙවිල් ප්‍රනාන්දු රෝහලට වියදම් කිරීම සම්බන්ධයෙන් වහාම විමර්ශනයක් කරන ලෙස රජයේ වෛද්‍ය නිලධාරීන්ගේ සංගමය ජනාධිපතිවරයාගෙන් ඉල්ලීමක් කරනවා.
ජේ.ටී. ද සිල්වා
