බංග්ලාදේශය සමඟ ගිවිසගෙන ඇති බැවින් නව පත්කිරීමේ කටයුතු ප්‍රශ්නයක් නොවන ආකාරයෙන් සිදුකළ යුතු බව ඊයේ කැබිනට් මණ්ඩල තීරණ දැනුම් දීමේ සාකච්ඡාවට සහභාගි වෙමින් ක්‍රීඩා අමාත්‍ය දයාසිරි ජයසේකර මහතා පැවැසීය.
කෙසේ වෙතත් ශ්‍රී ලංකාව වෙනුවෙන් සේවයක් කිරීමට මේ වන විටත් හතුරුසිංහ
බංග්ලාදේශ ක්‍රිකට් පාලක මණ්ඩලය විසින් හතුරුසිංහ මහතාට ගෙවන ලද ඉහළ වැටුප ලංකාවෙනුත් ගෙවන්නේදැයි ඇසූ පැනයටද පිළිතුරු දෙමින් අදහස් දැක්වූ දයාසිරි ජයසේකර මහතා "හතුරුසිංහ කියන්නේ බංග්ලාදේශ කණ්ඩායම ලෝකයේ ඉහළ තැනකට ගෙන ආ පුහුණුකරුවෙක්. පළමුව 2019 ලෝක කුසලානය අවසන් වන තෙක්ම වැඩකරන්න කැමැත්තෙනුයි ඔහු මෙහෙට එන්නේ. වැටුප ගැන කතා කළාම ඔහු කිව්වේ එතරම් වැටුපක් ගැන හිතන්නෙ නැහැ. රට වෙනුවෙන් හිතල තමයි එන්න තීරණය කළේ කියලා. අපි ඒ ගැන ඔහුට ගෞරව කළ යුතුයි. ඔහු ඩොලර් හතළිස් දහසකට වැඩිය ගන්න කෙනෙක්. ඒ වැටුප පැත්තකින් තියල සියලු අභියෝග මැද ලංකාවට පැමිණ තම රාජකාරිය භාර ගැනීම ගැන ස්තුති කළ යුතුයි වගේම ඔහුට සම්පූර්ණ ශක්තිය දිය යුතුයි. අපි ඔහුට ආශීර්වාද කරනවා.
