පත්කර වාර්තාවක් ලබා ගැනීම
රජයේ ප්‍රවෘත්ති දෙපාර්තමේන්තුවේ ඊයේ (15දා) කැබිනට් තීරණ දැනුම්දීමේ මාධ්‍ය හමුවේදී සම කැබිනට් ප්‍රකාශක අමාත්‍ය දයාසිරි ජයසේකර මහතා මේ බව සඳහන් කළේය.
නිසි කළමනාකාරිත්වයකින් යුතුව තෙල් ගබඩා නොකිරීම, ප්‍රධාන වශයෙන් දේශපාලන අධිකාරිය දැනුවත් නොකිරීම, තෙල් අර්බුදයකට මුහුණ දීම සඳහා නිවැරැදි යාන්ත්‍රණයක් නොතිබීම, තෙල් ගබඩාවල ධාරිතාව වැඩි නොකිරීම, දීර්ඝ කාලීන ලෙස මිලදී ගැනීම් නොකිරීම ඇතුළු කරුණු ගණනාවක් තෙල් අර්බුදයට හේතු වී ඇති බව අදාළ වාර්තාව මඟින් පෙන්වා දී ඇති බව අමාත්‍යවරයා පෙන්වා දුන්නේය.
අනාගතයේදී තෙල් අර්බුදයක් ඇතිවීම වළක්වා ගැනීම සඳහා අතිරේක ඉන්ධන ගබඩා පහසුකම් ඇති කිරීම, නූතන තොග පාලන කළමනාකරණ ක්‍රමවේද අනුගමනය කිරීම ආදී නිර්දේශ සහ එම වාර්තාවට පෙරේදා (14දා) කැබිනට් මණ්ඩල අනුමැතිය ලබාදී තිබේ.
සිදත් මෙන්ඩිස්
