කාන්තාවන් සඳහා තිබු මත්පැන් තහනම ඉවත් කිරීමට මුදල් අමාත්‍යවරයා ගත් තීරණය ජනාධිපතිවරයා විසින් ආපසු හරවනු ලැබුවේ බාල ජනප්‍රියත්වය සඳහා දැයි සැක මතුවන බව ජනතා විමුක්ති පෙරමුණ පවසයි.
අමාත්‍ය මණ්ඩල තීරණ ගනු ලබන්නේ කැබිනට් මණ්ඩලයේ මිස මැතිවරණ වේදිකා වල නොවන බව ජවිපෙ ටිල්වින් සිල්වා 15 සඳුදා පැවති මාධ්‍ය හමුවකදී කියා සිටියේය.
අගලවත්තේ පැවති ජන හමුවක් අමතමින් කාන්තාවන්ට මත්පැන් මිලදී ගැනීමේ සහ අලෙවි කිරිමට නැවත හකුලා ගන්නා බව කී ජනාධිපති මෛත්‍රීපාල සිරිසේන මුදල් අමාත්‍යංශය
රටේ ජනාධිපතිවරයා විසින් අමාත්‍යවරුන් ගන්නා තීරණ දැන ගන්නේ රේඩියෝ හෝ පත්තර හරහා නම් එය රට තුළ තීන්දු තීරණ ගැනිම සම්බන්ධව බරපතල ගැටලු සහගත තත්ත්වයක් බව ටිල්වින් සිල්වා වැඩි දුරටත් සඳහන් කළේය.
හිතාමතාම කළ සැලසුමක් මත තීරණය ජනාධිපතිවරයා විසින් ආපසු හරවනු ලැබුවේ බාල ජනප්‍රියත්වය සඳහා විය හැකි බවට ඔහු ඉඟි කළේය.
