සැලකෙන ඊබ්‍රහිම් ඩාවුඩ් නමැත්තා
මෙම ප්‍රහාරයෙන් පසුව ඊබ්‍රාහිම් නමැත්තා ඩුබායි රටට පලා ගොස් තවමත් එරටේ රැඳී සිටින අතර මාකඳුරේ මධුෂ් එරටට පලායාමෙන් පසුව දෙදෙනාම එක් වී එරටේ සිටින පිරිසකගේද සහාය ඇතිව මන්ද්‍රව්‍ය ජාවාරම කරගෙන ගොස් ඇති බවට බුද්ධි අංශ මගින් තවදුරටත් කරුණු අනාවරණය කර ගෙන ඇතැයි එම ජ්‍යෙෂ්ඨ පොලිස් නිලධාරියා කීය.
ඊබ්‍රාහිම් නමැත්තා ඩුබායි රටේ සැඟඳී සිටිමින් ඇෆ්ගනිස්ථානයේ සිට හෙරොයිත් මන්ද්‍රව්‍ය තොග වශයෙන් වෙනත් රටවලට බෙදා හැරිම කරගෙන යන ජාත්‍යන්තර මන්ද්‍රව්‍ය ජාවාරම්කාරයකු බවටද හඳුනාගෙන ඇති බව බුද්ධි අංශ ආරංචි මාර්ගවලින් දැනගැනීමට තිබේ. මාකඳුරේ මධුෂ් ඉතාලියට පලා යාමට කළින් ඩුබායි රටේ සිටියදී සිදුකළ මන්ද්‍රව්‍ය ජාවාරම සම්බන්ධයෙන් විදේශ කටයුතු අමාත්‍යාංශය හරහා එරටේ බලධාරින්ට තොරතුරු වාර්තාවක් සැපයීමට කටයුතු යොදමින් සිටින බව ඉහළ පෙලේ පොලිස් ආරංචි මාර්ග සඳහන් කරයි.
