පොලිස් නිලධාරීන් වෙත අත්බෝමබයක් දමාගැසීමට කළ උත්සාහයේදී ඇති වූ වෙඩිතැබීම හේතුවෙන් වෙඩිවැදී මිය ගිය බවත් පොලිසිය වාර්තා කෙරිණි.
පොලිස් මාධ්‍ය ප්‍රකාශක රුවන් ගුණසේකර මහතා කියා සිටියේ අයුධ සහිතව සැකකරුගේ බෑගය සඟවා තැබූ තැනින් ගෙනඒමට සැකකරු රැගෙන ගිය අවස්ථාවේදී අද පෙරවරු 7.15 ට පමණ බෑගයේ තිබූ අත්බෝම්බයක් පොලිස් නිලධාරීන් වෙත දමාගැසීමට සැකකරු උත්සාහ කළ බවයි.
මාතර ස්වර්ණාභරණ වෙළෙඳසැලක් මංකොල්ල කෑමට ගත් උත්සාහයේදී එම කොල්ල කල්ලියේ සාමාජිකයකු වශයෙන් චාමර ඉන්ද්‍රජිත් නැමැත්තා ඊයේ (22 වැනිදා) අත්අඩංගුවට ගන්නා ලද්දේ ඔහු ඇතුළු පිරිස කොල්ලය සිදුකර කණ්ඩායම් දෙකක් ලෙස මෝටර් සයිකල වලින් පළායන අතර මාතර හුනුකොටුව අසළදී තවත් පොලිස් කන්ඩායමකට හසුවූ පසු ගල් ප්‍රහරයකට ලක්වී ආසන්න නාදුනන නිවසක සැගවෙන්නට ගිය ගමනකදීය.
ඔවුන් ගමන් ගත් සොරකම් කළ මෝටර් සයිකලයේ ඉන්ධන ඉවරවීමෙන් පසු අහසට වෙඩි තබා තවත් බයිසිකලයක් සොරකම් කරන්නට උත්සාහ ගනිද්දී
පොලිසියට එම කොල්ලය නිරීක්ෂණයවීම නිසා ඔවුන් කොටුවූ අතර පසුව විශාල පිරිසකගේ ගුටි පූජා සමග ජිප් රථයකට නංවාගෙන පොලිසියට ගෙන එනු රූපවාහිනියද වාර්තා කර තිබුණි.
අද (23 වැනිදා) උදෑසනදී ඔහුගේ ආයුධ බලන්නට පොලිසිය ගිය ගමනේදී ඔහුට පොලිස් වෙඩි පහර ලැබුණි.
පසුගිය රජය සමයේ ආයුධ පෙන්වන්නට එක්ක යන අවස්ථාවලදී මියගිය අපරාධකරුවන් බහුල වුවත් වත්මන් රජය යටතේ එවැනි සිදුවීම් විරල වූ අතර නැවත එවැනි සිදුවීමක් මතුවූ අවස්ථාවක් ලෙස මෙම සිද්ධිය වාර්තා විය.
බොහෝ අවස්ථාවල පොලිස් නිලධාරීන් මැරුම්කන මෙහෙයුම්වලදී මෙවැනි ‘ආයුධ පෙන්වන අතර‘ මියයාමේ සිද්ධි ඉහළ අගයකින් වාර්තාවී තිබේ.
