34 වැනි වරට පසුගිය 03 දා සිකුරාදා බණ්ඩාරනායක ජාත්‍යන්තර සම්මන්ත්‍රණ ශාලාවේදී සරසවි සම්මාන උළෙල අග්‍රාමත්‍ය රනිල් වික්‍රමසිංහ සහ මුදල් සහ ජනමාධ්‍ය ඇමැති මංගල සමරවීර මහත්වරුන්ගේ ප්‍රධානත්වයෙන් පැවැත්විණි.
මෙවර සම්මාන උලෙළේ දී වර්ෂ 2016 හා වර්ෂ 2017 හි එළි දැක්වූ ප්‍රශස්ත සිනමා නිර්මාණ ඇගයීමට ලක් විය. වර්ෂ 2016 සඳහා හොඳම නිළියට හිමි සරසවි සම්මානය සරිගම චිත්‍රපටයේ ප්‍රධාන රංගන භූමිකාව සැරසූ පූජා උමාශංකර්ට හිමි විය. ප්‍රේමය නම් චිත්‍රපටයේ විශිෂ්ට රංගනයක යෙදුණු සමනලී ෆොන්සේකා
වර්ෂ 2016 හොඳම අධ්‍යක්ෂවරයාට හිමි සරසවි සම්මානය ඇගේ ඇස අග චිත්‍රපටය වෙනුවෙන් අශෝක හඳගමටත්, වර්ෂ 2017 හොඳම අධ්‍යක්ෂවරයාට හිමි සරසවි සම්මානය 28 චිත්‍රපටය වෙනුවෙන් ප්‍රසන්න ජයකොඩිටත් හිමි විය. වර්ෂ 2016 හොඳම චිත්‍රපටය ලෙස මෝටර් බයිසිකල් චිත්‍රපටයත්, වර්ෂ 2017 හොඳම චිත්‍රපටය ලෙස 28 චිත්‍රපටයත් සරසවි සම්මානයෙන් පිදුම් ලැබීය.
