බැඳුම්කර වරදකරුවන්ට දඩුවම් ලබාදීමට තිබූ බාධාවත් ඉන්දියාව සමග කොන්ත්‍රාත්තු ගැසීමට රනිල්ට තිබූ උවමනාවත් මෙම තීන්දුවට හේතුවූ බව හිටපු ඇමති නිමල් සිරිපාල ද සිල්වා ප්‍රකාශ කළේය.
ඔහු එහිදී මෙසේ කීවේය.
'ජනාධිපතිතුමා ඝාතනය කිරීමේ කුමන්ත්‍රණයක් පිලිබඳව කතාවක් මේ අතරට ආවා. පොලිසිය හා සම්බන්ධ මේ කාරණයේදී ජනාධිපතිතුමා දිගටම කැබිනට් මන්ඩලය තුළත් ඉන් පිටතදීත් පොලිස්පතිවරයා ඉවත් කළ යුතුය කියන දැඩි ස්ථාවරයක හිටියා. එතුමා ඒ කරන ලද ප්‍රකාශයන් ක්‍රියාත්මක කිරීමට අවශ්‍ය සහයෝගය හා ශක්තිය එජාපය
ජනාධිපතිතුමාට අවශ්‍ය වුනා බැඳුම්කර වාර්තාවට අදාලව නඩු පැවරීමට.ඒ වගේම ඉන්දියාවට වරාය නැගෙනහිර පර්යන්තය ලබාදීම ගැන ජනපතිට හා ශ්‍රීලනිපයට තිබූ මතය නෙමේ එජාපයට තිබුනේ.
ඒ නිසා අතීතය ගැන කල්පනා කරන්නේ නැතිව වර්තමානය හා අනාගතය ගැන කල්පනා කරලා එතුමා තීන්දුවක් ගන්න බව අපිට ප්‍රකාශ කළා. අපි එතුමාට සම්පූර්ණ බලය දුන්නා එතුමාට සුදුසු යයි හැගෙන තීරණයක් ගන්න. නීත්‍යානුකූලව අපි රජයෙන් ඉවත්වුනාම අගමැති ධූරය හිස්වෙනවා.
ඒ අනුව එතුමාගේ මතය අනුව පාර්ලිමේන්තුවේ බහුතරය තියෙන්නේ කාටද කියන එකට මහින්දව පත් කලේ. ඒක ජනපති හැටියට එතුමා තමයි තීරණය කරන්න ඕන. එය අභියෝගයට ලක් කරන්න පුලුවන් පාර්ලිමේන්තුව තුල.
එය වෙනම ප්‍රශ්නයක්. ඒ කරන ලද පත්වීම අවලංගු වන්නෙ නෑ.එහි වලංගුභාවය රඳා පවතින්නේ පාර්ලිමේන්තුවෙ ඒ පිලිබඳව ප්‍රශ්නයක් පැනනැගිලා ඒ පිලිබඳව පාර්ලිමේන්තුවේ තීන්දුවක් ගත්තොත්. නමුත් එතකං නියෝගය වලංගු නියෝගයක් බවට පත්වෙනවා.'
