තිබෙන අයයි. එම උපාධි ලබාගැනීමෙන් පසු මේ බොහෝ අය විදේශ වලට සේවය සපයමින් ලංකාවෙන් පිටමංව සිටින අයයි. මේ අය ලංකාවේ මහජන මුදල් රුපියල් මිලියන 813 ක් එලෙස වැය කර ඇති බවත් ඒවා නැවත ගෙවාදැමීමට බැඳී සිටින බවත් මෙම දැන්වීමේ සටහන් කර ඇත.
දැන්වීමේ එම ණය මුදල් පොලීද සමග දක්වා ඇති අතර ගෙවිය යුතු අයගේ නම් ලිපින හා ණය ලබාගනිද්දී සේවය කළ සරසවි වල නම්ද දක්වා ඇත.
පහත දැක්වෙන ඉල්ලීමද දැන්වීමේ සටහන්ව ඇත.
ඔබ එසේ ලබාගෙන බැඳුම්කර කොන්දේසි උල්ලංඝනය කරමින් ගෙවීම් පැහැර හැර ඇති මුදල රුපියල් මිලියන 813 ඉක්මවා ඇත.
එසේ ලද මුදල්වලින් ඔබ අද උගතකු වී වෙනත් රටවල හෝ ආයතනවල උසස් නිලතල හොබවමින් වැජඹෙන බව අප දනිමු. අනාගත පරම්පරාවට අධ්‍යාපනය ලබාදීම සඳහා ඔබ ජනතාවගෙන් ලබාගත් ණය මුදල මෙම මොහොතේ අපට ඇවැසිව ඇත. උපන් බිමට සහ මව්බිමේ ජනතාවට ඔබ ද්‍රෝහියෙක් නොවනු ඇතැයි අප විශ්වාස කරමු. ණයකරුවනි, ඇපකරුවනි පහත සඳහන් මුදල් සහ ඒ මත පොලී මුදල් වහාම ගෙවා ණයෙන් නිදහස් වන ලෙස කාරුණිකව ඉල්ලා සිටිමි.
