ප්‍රජාතන්ත්‍රවාදය රැකගැනීමට පෙළ ගැසෙමු යන තේමාවෙන් කොළඹ මහනගර සභාව ඉදිරිපිට ඊයේ 21 ආරම්භ කළ අඛණ්ඩ සත්‍යග්‍රහය අද 22 ත් ක්‍රියාත්මක වේ.
මෙම සත්‍යග්‍රහය ආරම්භ කරනු ලැබුවේ, දඹර අමිල හිමියන් සමග සිවිල් සංවිධාන හා එක්සත් ජාතික පෙරමුණට සම්බන්ධ වෘත්තීය සමිති එකමුතුව මගිනි.
මේ පිළිබඳ සමාජ මාධ්‍ය වල
නමුත් මෙම සංවිධායකයින් දන්වා සිටින පරිදි මෙය අඛණ්ඩ උපවාසයක් නොව අඛණ්ඩ සත්‍යග්‍රහයකි. එහි වෙනස නම් විරෝධතාව සහිත අට්ටාලය තුළ විරෝධතාව වෙනුවෙන් වරින්වර පිරිස් ඒකරාශී වෙමින් අඛන්ඩව එය ගෙනයාමය. එහිදී නිරාහාරව සිටීමක් සිදු නොවන අතර එකම පුද්ගලයා දිගටම රැඳී සිටීමක්ද සිදු නොවේ.
ඊයේ අමිල හිමියන් සරත් විජේසූරිය ඇතුළු අය මෙම අට්ටාලයේ සිටිනු දක්නට ලැබුණද අද උදෑසන ඔවුන් වෙනුවට සිටියේ වෙනත් පිරිසකි..
මින් ඉහත පසුගිය කාලයේ කොටුව දුම්රිය සථානය අසළ හා කොළඹ වෛද්‍ය විද්‍යාලය අසළ සයිටම් විරෝධතාව වෙනුවෙන් මෙවැනි සත්‍යග්‍රහයන් මාස ගණනාවක් පවත්වා තිබුණි.
