මාසයක් තුළ තමන්ට කැබිනට් ඇමැති ධුරයක් නොලැබුණහොත් තමන් දැඩි තීරණයකට පැමිණෙන බව පුත්තලම දිස්ත්‍රික් එක්සත් ජාතික පක්‍ෂ පාර්ලිමේන්තු මන්ත්‍රී පාලිත රංගේ බණ්ඩාර මහතා පවසයි. පාලිත රංගේ බණ්ඩාර මහතා මේ බව පවසා සිටියේ
ගම්පෙරළිය ව්‍යාපෘතිය යටතේ ආඬිගම සියඹලාවැව ජනතාවට උපකරණ ලබාදීමේ අවස්ථාවට එක්වෙමිනි.
''එජාපයේ හැරවුම් ලක්‌ෂ්‍යය කළෙත් රංගේ බණ්ඩාර කියලා කියනවා. හැබැයි දැන් කැබිනට් මණ්‌ඩලය පත් කරලත් මාසයක් විතර වෙනවා. ඒ වෙලත් රංගේ බණ්‌ඩාරට කැබිනට් ඇමැතිකමක්‌ නැහැ.
ඒ එක්‌කම රටේ ප්‍රධාන කෙනා මට කතා කරනවා රංගේ ඔයා කොහෙද, අපි ගාවට එන්න අපි ඔයාට කැබිනට් ඇමැතිකමක්‌ සමග කෝටි පනහක්‌ දෙන්නම් කියලා.
ඒත් එක්‌කම තවත් දුරකථන ඇමතුම් එනවා ශ්‍රී ලංකා නිදහස්‌ පක්‍ෂයේ ප්‍රබල අයගෙන්. රංගේ ඔයා එන්න අපි ඔයාට අවශ්‍ය දේවල් දෙන්නම් කියලා. නමුත් මේ රංගේ බණ්ඩාර එහෙම ගියේ නැහැ. කෙළින් කතා කරන කෙළින් වැඩ කරන රංගේ බණ්ඩාර එක්සත් ජාතික පක්‍ෂය දාලා ගියේ නැහැ. එහෙමයි අපි වැඩ කළේ. නමුත් මේ විදිහට මන්ත්‍රීවරුන්ට ඇමැතිවරුන්ට කතා කෙරුවා කියනවා හැබැයි කොන්ද කෙළින් තියාගෙන කවුරුත් කිව්වේ නැහැ. ඒකත් හෙළි කරලා එක්සත් ජාතික පක්‍ෂයේ හැරවුම් ලක්ෂය කළේ රංගේ බණ්ඩාර කියලා ජනතාව හැම කෙනාම කියනවා.
හැබැයි ඒ ආකාරයට එජාපයේ හැරවුම් ලක්ෂය කරපු මිනිහා අද පැත්තක දැන් ආණ්‌ඩුව පිහිටුවලා ඉවරයි. ආණ්‌ඩුවේ හැරවුම් ලක්ෂය කරලා ආණ්‌ඩුව පිහිටුවේ රංගේ බණ්ඩාර කියලා මිනිස්‌සු කියනවා.
හැබැයි එහෙම එක්සත් ජාතික පක්‍ෂයේ හැරවුම් ලක්ෂය කරපු රංගේ බණ්‌ඩාරට මොකද වුණේ.
මේ ඔක්‌කොම කරලා තියෙන්නේ, හරවලා තියෙන්නේ ආණ්‌ඩු පිහිටුවලා තියෙන්නේ හැරවුම් ලක්ෂය කරලා තියෙන්නේ රංගේ බණ්ඩාර. නමුත් ඇමැතිකම් අරන් තියෙන්නේ වෙන කට්‌ටිය.
මේ නිසා පුත්තලම දිස්‌ත්‍රික්‌කයේ ජනතාව වෙනුවෙන් මටත් දැන් තීරණයක් ගන්න වෙනවා. ලබන 2019 මුල් කාලය තුළදී මේ ප්‍රශ්නය බේරුවේ නැත්නම් කැබිනට් ඇමැති කමක්‌ නොලැබුණහොත් හැරවුම් ලක්ෂය ගැන දැඩි තීරණයක් ගන්න වෙනවා.
පුත්තලමේ මිනිසුන්ගේ අධ්‍යාපන ප්‍රශ්න, සෞඛ්‍ය ප්‍රශ්න සහ ජනතාවගේ අනිකුත් ප්‍රශ්න විසඳන්න මම කැබිනට් එකේ ඉඳගන්න ඕනා.
ජනතාව හඬමින් කතා කරනවා අපි කොළඹ යන්න එන්නම් උපවාස කරන්නම්, විරෝධතා කරන්නම් මේ ප්‍රශ්න විසඳ ගන්න කියලා. මම දැනට ජනතාව නිහඬ කරලා තියෙන්නේ. ජනතාව දන්නවා රංගේ බණ්ඩාර කවුද කියලා. පුත්තලම දිස්‌ත්‍රික්‌කයේ මිනිස්‌සු දන්නවා රංගේ බණ්ඩාර ජනතාවට කරපු සේවය
