මෙම මහල් නිවාස සංකීර්ණයේ කෝකියෙකු ලෙස සේවය කරන මියගිය පුද්ගලයාගේ මළ සිරුර සෙනසුරාදා හමුවී තිබුනේ එහි කාමරයක ඇඳක ගැටගසා තිබියදීය. ඔහු එලෙස ගැටගසා පුළුස්සා
ඇති අයුරක්ද එම පිළිස්සුම් තුවාල නිසා මියයන්නට ඇතැයිද පොලිසිය දන්වා තිබේ.
119 හදිසි ඇමතුම් ඒකකයට ලැබුණ ඔත්තුවක් අනුව පරීක්ෂා කිරීමෙන් අනතුරුව කොළඹ අපරාධ කොට්ඨාසය
එකවර විදෙස් පවුල් කිහිපයක් සඳහා නවාතැන් ලබාදෙන ස්ථානයක් ලෙස කොළඹ ගාලු මුවදොර පිටියට යාබද ගෝල්ෆේස් කොර්ට් නමින් හඳුන්වන මෙම ස්ථානය දිගු කලක් තිස්සේ පවත්වා යන අතර සිද්ධිය සිදුවූ ඒකකයේ බ්‍රිතාන්‍ය ජාතික යුවළක් සහ තායිලන්ත ජාතිකයකු පදිංචිව සිට ඇති බව පැවසේ.
එහි කෝකියෙකු ලෙස මෙන්ම රියදුරු ලෙසද සේවය කරමින් සිටි මියගිය අය 49 හැවිරිදි වයසේ පසුවිය. අතුරුගිරිය අරංගල ප්‍රදේශයේ පදිංචි කරුවෙකු වූ ඔහුගේ බිරිය මොරටුවේ වාසය කරන බවද පැවසේ.
ඔහුගේ පිළිස්සීගිය මළ සිරුර කාමරයක් තුළ ඇඳක ගැටගසා තිබී හමුවන තුරු ඒ සිද්ධිය කුමක් නිසා සිදුවූයේද සම්බන්ධයෙන් කිසිවකු දැන සිට නැත.
සිද්ධිය සැලවූ පසු එම නිවාස සංකීර්ණය පරීක්ෂාවට ලක්කළ පොලිසිය පදිංචිකරුවන්ගෙන් ප්‍රශ්න කර තිබේ.පොලිසිය සැකකරන්නේ මරණය සමග එහි සිට අතුරුදන්වූ පුද්ගලයෙකු ගැනයි. එම පුද්ගලයා එහි පදිංචි බ්‍රිතාන්‍ය යුවළගේ රියදුරු ලෙස සේවය කරමින් සිට කිසියම් ප්‍රශ්නයක් නිසා රැකියාවෙන් ඉවත්වූ අයෙකු වන අතර මියගිය අය සේවයට ගෙන්වා ඇත්තේ එම පුද්ගලයා ඉවත්වීමෙන් පසුවය.
ඔහු මේවනවිට සොයාගන්නට අපහසු බවත් ඔහුගේ අතුරුදන්වීම පිළිබඳව පොලිසිය පරීක්ෂණ ආරම්භ කර ඇති බවත් වාර්තාවේ.
