ඇය මින් ඉහත මාධ්‍ය වෙත හෙළි කර තිබුණි.
‘අර කතාවකුත් තියෙනවනේ පතාගෙන ආපු කෙනාව තමයි අන්තිමට හම්බවෙන්නේ කියලා. මටත් මගේ උරුමක්කාරයාව හම්බවෙන්න ඇත්තේ ඒ විදියට වෙන්න ඇති. හැබැයි අපි දෙන්නගේ හමුවීමේ ඉඳන් ඉදිරියට ඇදුණු ආදර කතාවත් හරියට චිත්‍රපටයක් වගේ. දැනට අවුරුදු තුනකට වැඩි කාලයක් වෙනවා අපේ ආදර කතාව පටන්ගෙන. මම හිතුවේ නැහැ අපේ ආදර කතාව විවාහයක් දක්වා දුර දිග යයි කියලා.
එයා ඇත්තටම පොලිස් නිලධාරියෙක්. එයාගේ නම නුවන් ජීවන්ත ගලප්පත්ති. මට ඔහුව මුණගැසුණේ නුවරදී. දවසක් නුවර යනකෙට මාර්ග නීති
කඩකරලා මගේ වාහනයට නුවන් දඩ කොළයක් ලිව්වා. ඇත්තටම එයා මම රංගන ශිල්පිනියක් කියලා ඒ වෙලාවේ අඳුනගෙනත් තිබ්බා.
ඒත් මම රංගන ශිල්පිනියක් වුනා කියලා මගේ පැත්ත ගත්තේ නැහැ. ඒ වෙලාවේ අවංක පොලිස් නිලධාරියෙක් විදිහට එයා නීතිය අකුරටම ක්‍රියාත්මක කරලා මට දඩ කොළයකුත් ලියලා දුන්නා. ඒ වගේම තදින් හිටියා.
ටික දවසක් ගතවුනාට පස්සෙ එයාට මගේ මුහුනු පොත හොයාගන්න අමාරු නැතිවෙන්න ඇති. පස්සේ තමයි මගේ මුහුණු පොත හරහා ඔහු මට ‘Hi’ කියලා මැසේජ් එකක් එවලා තිබ්බේ. අපේ සම්බන්දය ඇරඹෙන්නෙ ඒකත් එක්ක.
මමත් ඇත්තටම හිත යටින් එයා ගැන හිතුවා බලාගෙන හිටියා කවදාහරි දවසක එයා මට කතා කරයි කියලා. දැන් ඉතින් මට ජීවිත කාලෙටම දඩ කොළේ ගෙවන්නයි සිද්ධ වෙලා තියෙන්නේ. (සිනා)
අපි දෙන්නා යාළු වෙලා අවුරුද්දක් විතර කාලයක් ගියාට පස්සේ තමයි ගෙවල්වලට කිව්වේ. මගේ අම්මා නම් පොඩි කා‍ලේදීම නැති වුණා. ඒත් මගේ තාත්තයි අයියලා දෙන්නයි අම්මා නැති අඩුව කවදාවත් මට දැනෙන්න දුන්නේ නැහැ. ගෙවල්වලට කිව්වට පස්සේ අපිට ගෙවල් දෙකෙන්ම ආශීර්වාදේ ලැබුණා.
මං විවාහ වුනාට රංගනයෙන් ඉවත්වෙන්න අදහසක් නෑ. සැමියා නුවන් මටත් වඩා මගේ රඟපෑම ගැන උනන්දුයි. මගේ රංගන වැඩ අතපසු වුණොත් නුවන් තමයි මාව උනන්දු කරවන්නේ. ‘
