අත්අඩංගුවට ගත් පුද්ගලයකු සතියකට ඉහතදී කළ මනුෂ්‍ය ඝාතන දෙකකද ප්‍රධාන සැකකරු බවට හෙළිව ඇතැයි මිරිහාන මූලස්ථාන පොලිසිය පවසයි.
සිද්ධියෙන් ඝාතනයට ලක්ව ඇත්තේ නොම්බර 80 ඒ කෙන්ගහවිල, දාම්පේ,
මෙම ඝාතනය සඳහා යොදාගත් රම්බෝ වර්ගයේ පිහි‍යක්, නවින වර්ගයේ යතුරුපැදියක්, ජංගම දුරකථනයක් සහ හිස් වැසුම් සහිත සීත කබා වැනි ඇඳුම් කිහිපයක්, නවීන පන්නයේ අත්ඔරලෝසුවක් අත්අඩංගුවට ගෙන තිබේ. සැකකරුගෙන් කළ ප්‍රශ්න කිරීම් හමුවේ පවසා ඇත්තේ
තුවාල ලැබූ ගුරුවරිය සැකකරුගේ මවගේ යෙහෙළියක් බවත් දින තුනක් වැනි කාලයක් මෙම නිවසේ නතර වී සිටී බවත් කාන්තාවන් දෙදෙනා මරා පුලුස්සා දමා රහසිගතව නිවසේ රැදී සිටීමට උත්සාහ කළ බවත් මීට ඉහතදී තමන්ට නිධානයකින් හමු වූ රත්රන් කිලෝවක් බෙදා ගැනීමේදී වූ අසාධාරණයක් හේතුවෙන් මොරටුව එගොඩඋයන ප්‍රදේශයේදී හමුදාවේ සේවය කළ අයකු ඝාතනය කර ලී මඩුවක් තුළට දමා පුලුස්සා දැමීම කළ බවත් තමන්ගේ හොඳම මිතුරාගේ සහ හැඩරුව තමන්ට සමාන බැවින් ඔහු ලෙස පෙනී සිටීමට උත්සාහ කළ නිසාවෙන් රනාල ලැගුම්හලේදී ඔහුව ඝාතනය කළ බවත් පාපෝච්චාරණය කර ඇතැයි පොලිසිය පැවැසීය.
ඉකුත් 24 වැනිදා මොරටුව එගොඩඋයන ප්‍රදේශයේ ලී මෝලක් තුළ පිලිස්සෙමින් තිබියදී සොයාගත් මහරගම නාවින්න ජනතා මාවතේ පදිංචි යුද හමුදා සෙබළෙක් වන ජයතිස්ස රත්නායක (51)
නවගමුව ලැගුම්හලේදී ඝාතනයට ලක්වූ පුද්ගලයාගේ රියැදුරු බලපත්‍රයද සැකකරු සන්තකයේ තිබී සොයාගත් බවත් පොලිසිය පවසයි.
මෙම ඝාතන දෙකම කළ සැකකරු ප්‍රදේශයේ තම මවගේ යෙහෙළියක් වන තුවාල ලැබූ ගුරුවරියගේ නිවසේ සැඟව සිට ජපානයට පලා යෑමට සැලසුම් කර ඇති බවත් පොලිසිය විමර්ශනවලදී අනාවරණය කරගෙන තිබේ. සැකකරු මෙහෙකාරියට පිහි පහර එල්ලකර ගුරුවරියට පිහියෙන් පහර දීමට උත්සාහ කිරීමේදී ගුරුවරීය නිවෙසින් පිටතට පැමිණ අසල්වාසීන්ගේ ආධාර ඉල්ලා කෑගසා ඇත. යාබද නිවසේ අය එම ස්ථානයට පැමිණීමෙන් සැකකරු එම ස්ථානයෙන් පලා යන අවස්ථාවේ ප්‍රදේශවාසීන් 119 පොලිස් හදිසි ඇමතුම් අංශයට දැනුම් දීමත් සමඟ සැකකරු පසුපස හඹා ගොස් තිබේ.
පොලිස් නිලධාරීන් එම ස්ථානයට පැමිණෙන විට නිවෙසක වහලයක සැඟව සිටී සැකකරු පොලිස් නිලධාරීන් දැක එම ස්ථානයෙන් පැන ගොස් ගසකට නැඟ සැඟව සිටියදී පැය දෙකක වැනි කාලයක් මහත් පරිශ්‍රමයක් දරා සැකකරු අත්අඩංගුවට ගත් බව පොලීසිය පැවැසීය. මරණය වූ ස්ථානයේ ස්ථානීය පරීක්ෂණ ගංගොඩවිල අධිකරණයේ වැඩබලන මහෙස්ත්‍රාත් සුනීතා නානායක්කාර මහත්මිය කළ අතර සැකකරු අධිකරණයට ඉදිරිපත් කර රඳවා ගැනීමේ නියෝග මත ප්‍රශ්න කිරීමට නියමිතව ඇත.
-නිඳුවර අබේසිංහ-
