එක්සත් ජනපදය වෙත එල්ල වන ධ්‍රැවීය සුළං හේතුවෙන් එහි ප්‍රාන්ත රැසකම උෂ්ණත්වය ඊයේ (31) දිනය වනවිට සෙල්ශියස් අංශක -30 ඉක්මවීමේ තත්වයක් පැවති බව වාර්තා වෙයි. ඒ අතරින් චිකාගෝ ප්‍රාන්තයේ
උෂ්ණත්වය සෙල්ශියස් අංශක -30ක් වූ අතර, උතුරු ඩකෝටාවේ උෂ්ණත්වය සෙල්ශියස් අංශක -37 ක් විය. එසේම මෙම තත්වයන් අද දිනයේදී තවදුරටත් දරුණු වීමේ ආවදානමක් පැවතුණි.
මෙම ශීත කාලගුණික තත්වය ඇන්ටාර්ක්ටිකාවේ පවතින සීතලටත් වඩා අධික වීම එහි විශේෂත්වය වී තිබේ.
එරට මාධ්‍ය පවසන ආකාරයට ඊයේ දිනය වනවිට මේ අධික සීතල හේතුවෙන් පුද්ගලයෝ අට දෙනෙකු ජීවිතක්ෂයට පත්ව තිබේ. ඒ අනුව මේ ආපදා තත්වය හමුවේ සියලු දෙනාටම නිවෙස්වලට වී සිටින ලෙසද බලධාරීන් නිවේදනය කර තිබේ. විශේෂයෙන්ම මෙම අධික සීතලට නිරාවරණය වීමෙන් සමෙහි තුවාල ඇති වීමේ අවදානමක්ද පැවැති බව සඳහන් වෙයි.
මෙහිදී තම සුරතලුන්ද හැකි පමණීන් ආරක්ෂා කරගන්නා ලෙස නිවැසියන්ට දැනුම් දී ඇත.
){kind=link}