මියගොස් ඇත්තේ මොරටුව, මෝල්පේ, ද සොයිසා මාවතේ
පදිංචි 46 හැවිරිදි ජුවන් පෙඩිගේ දුමින්ද ඉරෝෂණ හෙවත් ‘ආමි මංජු’ නමැති අය හා එම නිවසේ වැඩකටයුතු වලට සහායට සිටි 19 හැවිරිදි චින්තක සඳරුවන් පරණවිතාන නමැති අයකු බවත් ‘ආමි මංජු’ ගේ දෙවැනි පුත්‍රයා චාමර (23) තියුණු ආයුධවලින් පහරකෑමෙන් බරපතළ තුවාල ලබා ප්‍රතිකාර සඳහා රෝහල්ගත කර ඇති බවත් වාර්තා වුණා.
දරුණු ප්‍රද්ගලයෙකු බව කියන ආමි මංජු මෙම ප්රහාරයට ලක්වූයේ ඔහු සිදු කළ වෙනත් පහරදීමකට එකට එක කිරීමක් ලෙස බව වාර්තාවේ.
මින් ඉහත මොරටුව ප්‍රදේශයේදී පිරිසකට බරපතළ තුවාල සිදුවන අන්දමේ පහරදීමක් සම්බන්ධයෙන්
නඩුවට ගිය ආමි මංජු ත්‍රිරෝද රථයකින් සිය නිවෙසට පැමිණ ත්‍රිරෝද රථයෙන් බැස නිවෙස අසල පුතා, බාප්පා, පුතාගේ සමීපතම මිත්‍රයෙක් හා බිරිය සමඟ රැඳී සිටියදී එකවරම යතුරුපැදි කිහිපයකින් හා මෝටර් රථ දෙකකින් පැමිණි ආයුධ සන්නද්ධ පිරිස වෙඩි තැබීම හා තියුණු ආයුධවලින් පහරදීම සිදුකර පලාගොස් තිබුණි.
බරපතළ තුවාල ලබා රෝහලට ඇතුළත් කළ ‘ආමි මංජු’ සහ ආමි මංජුගේ පුතාගේ යහළුවකු වන තරුණයා රෝහලට ඇතුළත් කරන විටත් මියගොස් සිටි බවත්, ‘ආමි මංජු’ නමැත්තාගේ පුත්‍රයා යැයි කියන තරුණයාගේ අත්වලට හා ශරීරයට සිදුව තිබූ බරපතළ කැපුම් තුවාල හේතුවෙන් ඉතා අසාධ්‍ය තත්ත්වයෙන් පසුවූ බැවින් පිළියන්දල රෝහලේ වෛද්‍යවරුන් විසින් මූලික ප්‍රතිකාර ලබාදී වැඩිදුර ප්‍රතිකාර සඳහා දකුණු කොළඹ ශික්‍ෂණ රෝහලට මාරුකර යැවූ බවත් වාර්තාවේ.
මියගිය ‘ආමි මංජු’ නමැත්තාගේ පපුව පෙදෙසට වැදී තිබූ වෙඩි උණ්ඩයක් පිට දෙසින් මතුව තිබූ බවත් මරණයට පත්ව තිබූ අනෙක් තරුණයාගේ හිසට වෙඩි ප්‍රහාරයක් සහ දරුණු කැපුම් පහරක්
මංජුගේ බිරිය හා මව විසින් හඳුනාගෙන ඇති බවද මූලික විමර්ශනවලදී හෙළිවූ බව පොලිසිය පැවසීය. ඔවුන් හැකි ඉක්මනින් අත්අඩංගුවට ගැනීමට පරීක්‍ෂණ ආරම්භ කර ඇත.
මොරටුව මෝල්පේ ප‍්‍රදේශයේ පදිංචි දෙපිරිසක් අතර කාලයක් තිස්සේ පවතින ආරවුලක් මෙම ප්රහාරයට හේතුව වී ඇති බව විමර්ශනවලින් හෙළිවී ඇත.
මීට මාස හතරකට පමණ පෙර මොරටුව මෝල්පේ ප‍්‍රදේශයේ පදිංචි ‘‘ෂම්මි’’ නමැති පුද්ගලයකු කපා කොටා බරපතළ තුවාල සිදුකර තිබිණි. මෙම ප‍්‍රහාරය එල්ල කර තිබුණේ ඊයේ ඝාතනයට ලක්වූ ආමි මංජු ඇතුළු තිදෙනකු බවට චෝදනා එල්ල වී ඇත. කාලයක් තිස්සේ පැවැති ආරවුලක් මෙම සිදුවීමට හේතුව වී තිබූ බව පොලිසිය පවසයි.
මෙම සිද්ධිය සම්බන්ධව අත්අඩංගුවට පත්වූ ආමි මංජු නමැත්තා මාස කීපයක් තිස්සේ රක්‍ෂිත බන්ධනාගාරගතව සිටි අතර ඇප මත මුදාහැරීමෙන් පසු ඔහු යළි මොරටුවට පැමිණ ඇත්තේ මීට ටික කලකට පෙරය. එම සිද්ධියට අදාළ නඩුව මොරටුව අධිකරණයේ ඊයේ විභාගයට ගත් අතර ආමි මංජු ඇතුළු පිරිස ඊට පෙනී සිටියහ.
කෙසේ වෙතත් මෙම සිද්ධිය සම්බන්ධයෙන් මියගිය අයගේ බිරිය මාධ්‍ය ඉදිරියේ සාක්ෂි දෙද්දී පර්මිට් ප්‍රශ්නයක් නිසා ඒගොල්ලො ගහන්න ඇවිත් නඩුවක් යනවා ලෙස මියගිය ආමි මංජු ගැන සඳහන් කර තිබුණි.
