පෙරේදා (24) මාවුස්සාකැලේ ජලාශ මධ්‍යයේදී සිදු කෙරිණි.
වියළි කාළගුණයක් පවතින වසරක් පාසා මාවුස්සාකැලේ ජලාශයේ ජලය පතුලටම සිඳී යන කාලවල මස්කෙළිය, රිකාටන් ප්‍රදේශයේ ශ්‍රීපාද වෙළඳ සංගමය විසින් පවත්වන මෙම දානමය පිංකම මෙවරද පවත්වනු ලැබුවේ නියඟය නිමා කර රටේ සමස්ත ජනතාවට සෞභාග්‍ය ප්‍රාර්ථනා කරමිණි.
වැඩම කර සිටි මහා සංඝරත්නය විෂයෙහි දිවා දානය පිළිගැන්වීමෙන් අනතුරුව චීවර හා පිණ්ඩපාත සේනාසන පූජා කිරීමද මෙහිදී සිදු කෙරිණි.
මෙම අවස්ථාවට රිකාටන් ශ්‍රී ජලනන්ධාරාමාධිපති තපෝවනයේ සන්නචින්ත, මස්කෙළිය ශ්‍රී සුමනාරාමවාසී තපෝවනයේ අනුබෝධි යන හිමිවරුන්ද වැඩම කර සිටියහ.
මෙම පුණ්‍ය කටයුත්ත සඳහා මස්කෙළිය පොලීසියේ උප පොලිස් පරීක්ෂක ආනන්ද ප්‍රේමසිරි මහතා සමග එම පොලීසියේ නිලධාරීන්, රිකාටන්, ශ්‍රීපාද වෙළඳ සංගමයේ සාමාජිකයින්, මාවුස්සාකැලේ පොලිස් මාර්ග බාධකය අසල සිටින බෞද්ධ මෙන්ම හින්දු ජාතික වෙළඳ ප්‍රජාව ඇතුලු විශාල පිරිසක් සහභාගී වූහ.
(ඡායාරූප හා සටහන-මස්කෙළිය ගාමිණී බණ්ඩාර ඉලංගන්තිලක)
