ජනාධිපති සිරිසේන සහ හිටපු ආරක්ෂක ලේකම් ගෝඨාභය රාජපක්ෂ යන මහත්වරුන් ඝාතනය කිරීමට පැවැති බව කියන කුමන්ත‍්‍රණ සිද්ධිය සම්බන්ධයෙන් විමර්ශන පවත්වන අපරාධ පරීක්ෂණ දෙපාර්තමේන්තුව
ගායන ශිල්පි අමල් පෙරේරාගේ පුතු වන නදීමාල් පෙරේරාගෙන් පසුගිය 18 වැනිදා ප‍්‍රශ්න කර ප‍්‍රකාශ ලබා ගත්තේය.
අමල් පෙරේරා සහ නදීමාල් පෙරේරා පාතාල නායක මාකඳුරේ මධුෂ්ගේ සමීප මිතුරන් බව ද මේ වනවිට හෙළිව ඇත.
මෙම ඝාතන කුමන්ත‍්‍රණ සිද්ධිය සම්බන්ධයෙන් පාතාල නායක මධුෂ්ගේ නම ද අවස්ථා කීපයකදී කියැවී තිබිණි.
මාකඳුරේ මධුෂ් සහ ගායන ශිල්පී අමල් පෙරේරා අතර පැවති සම්බන්ධතාව පිළිබඳව තොරතුරු හෙළි කර ගැනීම සඳහා නදීමාල් පෙරේරා ගෙන් ප‍්‍රශ්න කළ බව අපරාධ පරීක්ෂණ දෙපාර්තමේන්තු ආරංචි මාර්ග පැවසීය.
පාතාල නායක මාකඳුරේ මධුෂ් සහ අමල් පෙරේරා මේ වන විට ඩුබායි පොලිසියේ රඳවා සිටිති.
හේමන්ත රන්දුණු
