මියයන විට 68 වන වියෙහි පසුවූ ඒ මහතා අවසන් කාලයේ වකුගඩු ආබාධයකින් පෙළුණු අතර
ඔහුට වකුගඩු බද්ධයක්ද සිදු කර තිබුණි. නමුත් එම බද්ධයෙන් පසු ඔහුට විවිධ සංකූලතා මතුවූ බව පවුලේ අය දන්වා තිබේ. මීට ටික කලකට පෙර සිදුකළ වකුගඩු බද්ධ කිරීමේ ශල්‍යකර්මයෙන් පසුව ඇති වූ රෝගී තත්ත්වයක් සිය
ඔහුගේ රෝගී තත්වය මත කොළඹ ජාතික රෝහලට ඇතුළත් කරන ලදුව ඊයේ මියගියේය.
ගාමිණී හෙට්ටිආරච්චිගේ දියණිය ප්‍රතිභා නැගී එන නිළියකි. පුතු ප්‍රකට ඩීජේ වාදන ආයතනයක් පවත්වා යන්නෙකි.
කොළඹ නාලන්දා විද්‍යාලයේ ඉගෙනුම ලබා දුම්රිය දෙපාර්තමේන්තුවේ තාක්‍ෂණික නිලධාරියෙකු ලෙස සේවය කර තිබූ ගාමිණී හෙට්ටිආරච්චි මහතා නාට්‍ය කලාවට මුලදී විනෝදාංශයක් ලෙස සම්බන්ධවූ අතර පසුකාලීනව වෘත්තීය රංගන ශිල්පියෙකු බවට පත් විය.
‘යශෝරාවය’ ටෙලි නාට්‍යයේ සුනිමල් ලෙස හිතුවක්කාර පුතෙකු ලෙස ඔහු රඟපෑ චරිතය බොහෝ අයගේ මතකයේ රැඳෙන්නක් විය. ‘දඩබිම’ ටෙලි නාට්‍යයේ ඔහු රඟපෑ මන්ද බුද්ධිකයකුගේ චරිතය නිසා සුමති ටෙලි සම්මාන උළෙලේ හොඳම නළුවා ලෙසද ඔහු අභිෂේක ලැබුවේය.
