උපදෙස් දීමේ මෙතෙක් පැවැති සම්ප්‍රදායෙන් මිදී එම පරික්ෂණ ආරම්භයේ සිටම තම නිරික්ෂණය යටතේ ඒවා සිදුකිරීමට වත්මන් නීතිපති දප්පුල ද ලිවේරා මහතා ප්‍රවේගාත්මක පියවරක් ගැනීමට තීරණය කර ඇත.
ඒ අනුව ඊයේ (18දා) "පාස්කු ඉරිදා මරාගෙන මැරෙන ප්‍රහාරය"ට අදාළ පරික්ෂණ වහා කඩිනම් කරන ලෙසට අදාළ අංශ වෙත ලිඛිතවම දැනුන්දුන් අතර එම දැනුම්දීම් පිළිබඳව ජනාධිපති ලේකම්, වැඩබලන පොලිස්පති ආදීන්ටද පිටපත් යොමු කොට ඇත.
නව වැඩපිළිවෙළෙහි ප්‍රථම පියවර වශයෙන් පාස්කු ඉරිදා (අප්‍රේල් 21දා) මරාගෙන මැරෙන බෝම්බ ප්‍රහාරයට අදාළව
තවද මෙතෙක් සිදුකොට ඇති විමර්ශනවල ප්‍රගතිය අදම දැනුම් දෙන ලෙසද නීතිපති දප්පුල ද ලිවේරා මහතා වැඩබලන පොලිස්පතිවරයාටත් අදාළ අංශ භාර නියෝජ්‍ය පොලිස්පතිවරුන්ටත්, අපරාධ පරීක්ෂණ දෙපාර්තමේන්තුවේ හා ත්‍රස්ත විමර්ශන කොට්ඨාසයේ ප්‍රධානීන්ටත් දැනුම් දෙනු ලැබීය.
මීටත් අමතරව එකී ත්‍රස්ත ප්‍රහාරයෙන් පසු තහනමට ලක්කොට ඇති ජමාතේ මිලාතේ ඊබ්‍රාහිම් (JMI) හා විලයාත් අස් සෙයිලානි යන සංවිධාන හා එකී ක්‍රියාකාරකම් පිළිබඳවත් එකී සංවිධානයන්හි
සාමාජිකයන්ගේ ක්‍රියාකාරකම් ආදිය පිළිබඳවත් වහා විමර්ශන ආරම්භ කරන ලෙසද තවත් ලිපියකින් අදාළ බලධාරින්ට නීතිපති දප්පුල ද ලිවේරා මහතා දැනුම් දී ඇති බවද ඒවායෙහි පිටපත් ජනාධිපති
ලේකම්, වැඩබලන පොලිස්පති, අදාළ අංශ භාර නියෝජ්‍ය පොලිස්පතිවරුන්ට යොමු කළ බවද නීතිපති සම්බන්ධිකරණ නිලධාරිනි රජයේ අධිනීතිඥ නිශාරා ජයරත්න මෙනෙවිය ප්‍රකාශ කළාය.
