මිනිසා සඳමත පා තබා වසර 50 සැමරීම සිදු කළ මෙම සතියේදී 1969 දී නාසා හි ඇපලෝ 11 මෙහෙයුමේදී ලබාගත් පළමු සඳ ගොඩබෑමේ දර්ශන පසුගිය 20 සෙනසුරාදා ඩොලර් මිලියන 1.82 කට වෙන්දේසි වී තිබේ.
1976 දී රජයේ අතිරික්ත වෙන්දේසියකදී
ටේප් මිලදී ගත් පැරණි නාසා පුහුණුකරුවෙකු වන ගැරී ජෝර්ජ් මෙම රීල් ලෝක ප්‍රකට වෙන්දේසි සමාගමක් වන සොතෙබි වෙත අලෙවි කරනු ලදුව සෙනසුරාදා මෙම අලෙවිය සිදු විය.සොතෙබි විසින් රීල්ස් මිලදී ගත් පුද්ගලයාගේ හෝ සමාගමේ නම නිකුත් කර නැත.
කෙසේ වෙතත් මුල් හිමිකරු ජෝර්ජ් 2008 දී මෙම පටි ඩිජිටල්කරණය කරන ලද අතර මේ වනවිට ලොව පුරා රූපවාහිනී පුස්තකාල වල මෙහි පිටපත් ඇත. කෙසේ වෙතත් සොතෙබි දන්වා සිටියේ මේවා මුල් පිටපත් බවත් එහි ගුණය අනෙක් පිටපත් වලින් සෙවීමට බැරි බවත්ය.
ටෙක්සාස් හි හූස්ටන් හි මිෂන් කන්ට්‍රෝල් හි පටිගත කරන ලද චිත්‍රපට රීල් තුනක් හරහා පැය 2 යි මිනිත්තු 24 ක පමණ දර්ශන එකතුවක් එහි තිබුණි. සොතේබිගේ වාර්තාව දක්වා ඇත්තේ මෙම දර්ශන "සඳ මත මිනිසාගේ පළමු පියවර පිළිබඳ පැරණිතම, තියුණු හා නිරවද්‍ය වීඩියෝ රූපය."
මෙහෙයුම අතරතුර නාසා ආයතනය රූගත කළ දර්ශන මන්දගාමී ස්කෑන් රූපවාහිනී (SSTV) ආකෘතියෙන් හඳේ සිට පෘථිවියේ නාසා වෙත විකාශනය කරන ලද අතර දත්ත පටිගත කර එකවරම සම්මත එන්ටීඑස්සී ආකෘතියට යථා කාලයට ප්‍රතිනිර්මාණය කර බටහිර කලාපයේ රටවල් වල රූපවාහිනී නරඹන්නන් වෙත සජීවීව විකාශය කර තිබුණි.
