‘එක්ස්ටසි' නමින් වෙළෙඳපොළේ අලෙවි කරන එම මත්ද්‍රව්‍ය පෙති 5,500 පාර්සල් 06කට දමා පාවිච්චි කරන ලද ශබ්දවාහිනි උපකරණයක් තුළ සඟවා තිබියදී රේගු නිලධාරින් කළ පරීක්ෂාවේදි සොයාගත් බව වැඩබලන රේගු මාධ්‍ය ප්‍රකාශක රේගු අධිකාරි ලාල් වීරකෝන් මහතා සඳහන් කළේය.
ශ්‍රී ලංකා තැපැල් දෙපාර්තුමේන්තුවේ තැපැල් පාසල් අංශය මඟින් දැනුම් දෙන පත්‍රිකාවක්ද අතැතිව ගල්කිස්ස ප්‍රදේශයේ පදිංචි 52 හැවිරිදි අයකු විසින් මෙම ශබ්දවාහිනි උපකරණය රැගෙන යෑමට ඊයේ පෙ.ව. 11.30ට පමණ කොළඹ මධ්‍යම තැපැල් හුවමාරුව වෙත පැමිණ සිටියදී රේගු නිලධාරීන් විසින් අත්අඩංගුවට ගත් බවත් ඒ මහතා ප්‍රකාශ කළේය.
ඒ මහතා වැඩිදුරටත් සඳහන් කළේ රේගු නිලධාරින් විසින් මෙතෙක් අත්අඩංගුවට ගෙන ඇති විශාලතම මෙතැම්පටමයින් පෙති තොගය මෙය වන බවය.
අත්අඩංගුවට ගනු ලැබූ සැකකාර පුද්ගලයා සම්බන්ධයෙන් රේගු විමර්ශන සිදු කිරීමෙන් අනතුරුව අදාළ මත්පෙති තොගය හා ඔහු පොලිස් මත්ද්‍රව්‍ය නාශක කාර්යාංශය වෙත භාරදිමට ඊයේ කටයුතු කර තිබේ.
-පහන් විජේසේකර-
