මෙලෙස දිවි නසාගෙන ඇත්තේ නාරාහේන්පිට, ඇල්විටිගල මහල් නිවාසවල
පදිංචිව සිටි සිරිසේන කඩවතආරච්චි (88) නමැති කොළඹ මහාධිකරණයේ හිටපු විශ්රාමික විනිසුරුවරයෙකි. මෙම සිද්ධිය 5 වැනිදා රාත්රී 9.50 ට පමණ සිදුවී තිබේ. මෙම හිටපු මහාධිකරණ විනිසුරුවරයා දියවැඩියාව ඇතුළු තවත් රෝග කීපයකට අදාළව කොලඹ පුද්ගලික
තම රෝගී තත්වයන් සම්බන්ධයෙන් කලකිරී සිටි 88 හැවිරිදි හිටපු විනිසුරු හෙදියන්ට රහසේ දිවිනසාගැනීමේ කටයුත්ත සිදු කර ඇත්තේ හෙදියන් එහෙමෙහෙ යන අවස්ථාවක් බලා රාත්රී කාලයේ ජනේලයක් අසළට ගොස් පැනීමෙනි.
ප්රතිකාර ලබමින් සිටි රෝගියා ඇඳේ නොවුණෙන් ඒ ගැන සොයා බැලීමේදී වාට්ටු ගොඩනැගිල්ල යාබද පහළ මිදුල වෙත ඔහු වැටී ඇති අයුරුත් ඒ වනවිටත් මියගොස් සිටි අයුරුත් හඳුනාගෙන තිබේ.
විශ්රාමික මහාධිකරණ විනිසුරුවරයා මියගොස් සිටි ස්ථානයට පැමිණි කොළඹ නාගරික අතිරේක හදිසි මරණ පරීක්ෂක ඉරේෂා දේශානි සමරවීර මහත්මිය මුලික හදිසි මරණ පරීක්ෂණය සිදුකරන ලද අතර හදිසි මරණ පරීක්ෂණයේදී මියගිය විශ්රාමික මහාධිකරණ විනිසුරුවරයාගේ වෛද්‍ය පුතු සාක්ෂි දුන්නේය.
මියගිය විනිසුරුවරයා ප්රතිකාර ලබමින් සිටි වාට්ටුවේ ප‍්‍රධාන හෙද නිලධාරිනිය මේ ගැන සැලකිලිමත් නොවීම හේතුවෙන් ලබන 13 වැනිදාට උසාවියට ඉදිරිපත් කරන්නැයි මරණ පරීක්ෂකවරිය පොලිසියට නියම කළාය.
මෙම සිද්ධිය පිළිබදව මරදාන පොලිසිය පරීක්ෂණ සිදු කරයි.
