ලෙසට ප්‍රධාන විශේෂඥ අධිකරණ වෛද්‍ය නිලධාරියාට කොළඹ කොටුව මහෙස්ත්‍රාත් රංග දිසානායක මහතා පෙරේදා (29දා) නියෝගයක් නිකුත් කළේය.
අපරාධ පරීක්ෂණ දෙපාර්තමේන්තුව අධිකරණයෙන් කළ ඉල්ලීමක් සලකා බැලීමෙන් අනතුරුව අදාළ නියෝගය නිකුත් කරමින් මහෙස්ත්‍රාත්වරයා දන්වා සිටියේ පරීක්ෂණ වාර්තා අධිකරණයට යොමු කළ පසුව බෝම්බකරුවන් දෙදෙනා සම්බන්ධයෙන් මරණ පරීක්ෂණ සාක්කි විමසීම් සිදුකරන බවයි. ඊට අමතරව බෝම්බ ප්‍රහාරයට පසු අතුරුදන්ව සිටි ෂැන්ග්‍රිලා හෝටලයේ වේටර්වරයකු වශයෙන් කටයුතු කළ දිවල දේවකගේ විහඟ තේජාන්ත
අපරාධ පරීක්ෂණ දෙපාර්තමේන්තුව සිදුකළ ඉල්ලීමක් අනුව එම නියෝගය ද නිකුත් කෙරිණි. අදාළ තරුණයා බෝම්බ ප්‍රහාරයෙන් පසුව අතුරුදන්ව සිටි අතර ඔහුගේ ශරීර කොටස් ඔහුගේ පියා වන දිවල දේවගේ සුරාජ් නිලංග යන අයගේ ඩී.එන්.ඒ. (ඒ) සාම්පල සැසැඳිමෙන් පසු අදාළ සාම්පල ගැළපී තිබිණි.ඒ අනුව එම තරුණයා ෂැංග්‍රිලා හෝටලයේ වේටර්වරයකු වශයෙන් ද කටයුතු කළ දිවල දේවගේ විහහ තේජාන්ත නමැත්තා බවට හඳුනාගෙන ඇත.
ඊට අමතරව සිනමන් ග්‍රෑන්ඩ් බෝම්බකරු වන මොහොමඩ් ඊබ්‍රහිම් දුන්ෂාන් අහමඩ් යන අයගෙන් ලබාගත් ලකෂ 20ක මුදලක් ගිණුමට බැරකරගෙන ඇති බවට විමර්ශනවලදී අනාවරණය වී ඇති මොහොමඩ් මුපායිල් නමැත්තකුගේ කොමර්ෂල් බැංකුවේ බම්බලපිටිය ශාඛාවේ ඇති බැංකු ගිණුමක් අත්හිටුවීමට සඳහා ලේඛන වගයක් නිකුත් කරන ලෙසට නියෝගයක් නිකුත් කරන මෙන් අපරාධ පරීක්ෂණ දෙපාර්තමේන්තු නිලධාරින් අධිකරණයෙන් ඉල්ලීමක් කළ අතර එය සලකා බැලූ මහෙස්ත්‍රාත්වරයා ඊට අදාළ නියෝගද බම්බලපිටිය කොමර්ෂල් බැංකු ශාඛාවේ කළමනාකාරවරයා වෙත නිකුත් කෙරිණි.
මේ වන විට සහරාන්ගේ බිරිය වන ෆාතිමා කාදියා යන අය සමඟ රැඳවුම් භාරයේ සිටින ෂැංග්‍රිලා හෝටලය ප්‍රධාන බෝම්බකරු වන මොහොමඩ් සහරාන් යන අයගේ දියණිය සුදුසු භාරකාරිත්වයකට මුදාහැරීම සඳහා නියෝගයක් නිකුත් කරන ලෙසටද අපරාධ පරීක්ෂණ දෙපාර්තමේන්තු නිලධාරින් අධිකරණයෙන් ඉල්ලීමක් කළ අතර එය සලකා බැලූ මහෙස්ත්‍රාත්වරයා දියණිය සම්බන්ධයෙන් පරිවාස වාර්තාවක් ලැබුණු පසු ළමා සහ යෞවන ආඥා පනත යටතේ සුදුසු භාරකාරිත්වයකට පත් කිරීම සඳහා නියෝගයක් නිකුත් කරන බවට දැනුම් දුන්නේය.
ඒ අනුව අදාළ දියණිය සම්බන්ධයෙන් පරිවාස වාර්තාවක් අධිකරණයට යොමුකරන ලෙසට මහෙස්ත්‍රාත්වරයා පරිවාස නිලධාරීන් වෙත නියෝගයක් නිකුත් කළේය. බෝම්බ ප්‍රහාරයට අදාළව මේ වන විට රැඳවුම් නියෝග මත රඳවා තබාගෙන සිටින මොහොමඩ් සහරාන් යන අයගේ බිරිය වන අබ්දුල් කාදර් ෆාතිමා කාලින් අබ්දුල් හමීඩ් මොහොමඩ් රිෆාස්, මොහොමදු මර්ෂුන් මොහොමදු රිලා, මොහොමඩ් අස්රුඩීන් මොහොමඩ් ඉල්මි, මොහොමදු අමීර් මොහොමදු අයතුල්ලා, මොහොමඩ් මුබාරක් මොහොමඩ් මුෆායිල් යන අය සම්බන්ධයෙන් විමර්ශන සිදුකර වැඩිදුර කරුණු දැක්වීම සඳහා දිනයක්ද අපරාධ පරීක්ෂණ දෙපාර්තමේන්තුව අධිකරණයෙන් ඉල්ලා සිටිනු ලැබිණි. සිද්ධියට අදාළ නඩුව ලබන මස 21 වැනිදා යළි කැඳවීමට නියමිතය.
-අමිල අබේරත්න-
