අපරාධ පරීක්‍ෂණ දෙපාර්තමේන්තුවට පළමුව තොරතුරු වාර්තා වූයේ
2019 ජනවාරි 26 වැනිදා බවත්, එදිනම ඒ සම්බන්ධයෙන් අපරාධ පරීක්‍ෂණ දෙපාර්තමේන්තුව පොලිස්පතිවරයාට ලිඛිතව දැනුම් දුන් බවත් අපරාධ පරීක්‍ෂණ දෙපාර්තමේන්තුව භාර ජ්‍යෙෂ්ඨ නියෝජ්‍ය පොලිස්පති රවි සෙනෙවිරත්න මහතා ඊයේ (24 වැනිදා) පැවැසීය.
පාස්කු ප්රහාරය සම්බන්ධයෙන් සොයන පාර්ලිමේන්තු විශේෂ තේරීම් කාරක සභාව හමුවේ සාක්‍ෂි දෙමින් ඔහු මෙම කරුණු හෙළි කළේය.
මාවනැල්ලේ බුදුපිළිම කඩාදැමීම සම්බන්ධයෙන් 2018 දෙසැම්බර් මාසයේදී අපරාධ පරීක්‍ෂණ දෙපාර්තමේන්තුව විමර්ශන භාර ගත් බවත්,
ඒ සම්බන්ධයෙන් 26 වැනිදාම පොලිස්පතිවරයාට දැනුම් දුන් බව කී ජ්‍යෙෂ්ඨ නියෝජ්‍ය පොලිස්පතිවරයා සහරාන් සොයා අපරාධ පරීක්‍ෂණ දෙපාර්තමේන්තුව ලංකාවේ විවිධ ප‍්‍රදේශවලට ගිය බවද සඳහන් කළේය.
නියෝජ්‍ය කථානායක ආනන්ද කුමාරසිරි මහතාගේ සභාපතීත්වයෙන් යුක්තව පාර්ලිමේන්තු කමිටු ශාලාවේදී ඊයේ (24 වැනිදා) දහවල් රැස්වූ මෙම කාරක සභාව හමුවේ වැඩිදුරටත් සාක්‍ෂි දුන් ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතා මෙසේද කීවේය.
අප්‍රේල් 21 වැනිදා ප‍්‍රහාරයක් සිදුවිය හැකි බවට සහරාන්ගේ නමද ඇතුළත්ව ඉන්දියාවෙන් සහ මෙරට බුද්ධි අංශවලින් ලැබුණු තොරතුරු සම්බන්ධයෙන්
එම පරීක්‍ෂණයට අදාළ තොරතුරු ජනමාධ්‍ය ඉදිරියේ පැවැසිය නොහැකි බව සාක්‍ෂිකරු ප‍්‍රකාශ කිරීම නිසා කමිටු ශාලාවේ සිටි මාධ්‍යවේදීන් ඉන් ඉවත් කරන ලදි. 21 ප‍්‍රහාරයට අයිඑස්අයිඑස් සංවිධානයේ සෘජු සම්බන්ධතාවයක් ඇති බවට මෙතෙක් තොරතුරු ලැබී නැතැයිද ඔහු ප‍්‍රකාශ කළේය.
අයිඑස්අයිඑස් සංවිධානය හෝ වෙනයම් විදෙස් සංවිධානයක සහාය මෙම ප්රහාරය සඳහා ලැබී තිබෙනවාද යන්න ගැනද අපරාධ පරීක්‍ෂණ දෙපාර්තමේන්තුව සොයා බලමින් සිටින බව පැවැසීය.
මෙම ප්රහාරය සම්බන්ධව විදෙස් රටකින් ලැබුණු බුද්ධි තොරතුරු සම්බන්ධයෙන් අදාළ අංශ ගත් ක්‍රියාමාර්ග පිළිබඳව තමන්ට සෑහීමකට පත්විය නොහැකි බවද මෙහිදී වැඩිදුරටත් සඳහන් කළේය.
