මේ දවස්වල විවිධ වූ පුද්ගලයින් විවිධ ස්ථානවලදී දුටු දසුනක් ලෙසින් තරමක් වෙනස් මුහුණක් ඇති මුත් සාමාන්‍ය ගති ගුණ ඇති මිනිසෙකුගේ වීඩියෝ දසුන් සමාජ ජාල වෙබ් අඩවි තුළ ෂෙයාර් වනු ඔබ දකින්නට ඇති.එසේම එවැනි අවස්ථා ඔබ ඔබේ පියවි දෑසටද දකින්නට වරම් ලැබුවා විය හැකියි. කොහොම වුනත් මේ තරුණයා ගැන කිසිවෙකුත් වැඩි විස්තරයක් දැනගත්තේ නැහැ.
එය CCTV දසුනක්. ඒ විදුලි සෝපානයකට ගොඩ වෙන මෙම තරමක් වෙනස් පුද්ගලයා සහ සෝපානයේ සිටින කුඩා දරුවෙකු අතරේ වන සිදුවීමයි. දරුවා විසින් මෙම පුද්ගලයාගේ මුහුණත අල්ලන්නට උත්සාහ දරද්දී දරුවාගේ මව එය වළක්වන්නේ එය ඔහුට අපහසුතාවයක් දනවන නිසා විය හැකියි.
කෙසේ වුවත් මෙම වීඩියෝවත් සමගින් මෙම පුද්ගලයා පිළිබඳ වැඩි කතාබහක් සමාජයේ ඇති වී තිබෙනවා.
