මේ සඳහා විදේශයන්හි සේවය කරන ශ්‍රී ලාංකිකයන්ගේ දූ දරුවන් පිළිබඳ දත්ත ලබාගෙන අධ්‍යාපන අමාත්‍යාංශයටම යොමුකිරීමට කාර්යාංශය වැඩපිළිවෙළක් සකස් කර ඇත.
දැනට මෙම දූ දරුවන්ගේ දත්ත රැස්කරමින් පවතින බවත්, එම සියලු තොරතුරු ලැබුණු පසුව ඉංග්‍රීසි මාධ්‍ය පත්ති කාමර සම්බන්ධයෙන් අධ්‍යාපන අමාත්‍යංශයෙන් ඉල්ලීමක් කිරීමට නියමිත බවත් විදේශ සේවා නියුක්ති කාර්යාංශය පවසයි.
විදේශයන්හි සේවය කර මෙරටට පැමිණෙන ශ්‍රී ලාංකිකයන්ගේ දූ දරුවන්ට මෙරට පාසල්වලට ඇතුළත් විය හැකි බවට විදෙස් රැකියාවන්හි නියුතු
එසේම විදේශවල ඉංග්‍රීසි මාධ්‍යයෙන් අධ්‍යාපනය ලැබූ මෙම දූ දරුවත් ශ්‍රී ලංකාවට පැමිණි පසු රජයේ පාසල්වල ඉංග්‍රීසි මාධ්‍යයෙන් අධ්‍යාපන කටයුතු කිරීමට ප‍්‍රමාණවත් පත්ති කාමර නොමැති බව පෙනී ගොස් තිබෙන අතර, මේ සම්බන්ධව විදුලි සංදේශ, විදේශ රැකියා හා ක්‍රීඩා අමාත්‍යංශයේ ලේකම්වරයා සහ අධ්‍යාපන අමාත්‍යංශයේ ලේකම්වරයා අතර සාකච්ඡා පවත්වා ඇත.
යටිතල පහසුකම් සංවර්ධනය කිරීම සඳහා පාසල්වලට ඇතුළත් කිරීමට බලාපොරොත්තු වන විදේශගත මවුපියන්ගේ දරුවන් සංඛ්‍යාව සම්බන්ධ ඇස්තමේන්තු
අවශ්‍ය බව අධ්‍යාපන අමාත්‍යාංශය පෙන්වාදී තිබෙන අතර, ඒ අනුව ප්‍රධාන වශයෙන් ශ්‍රමිකයන්ගේ රැකියා කරන රටවල ශ්‍රී ලාංකික තානාපති කාර්යාලවලින් එම දත්ත ලබාදෙන ලෙස විදේශ සේවා නියුක්ති කාර්යාංශය ඉල්ලීම් කර තිබේ.
මීට අමතරව විගමනික ශ්‍රමිකයන්ගේ, පවුලේ සාමාජිකයන්ගේ ඉල්ලීම පරිදි ඔවුන්ගේ දරුවන් පාසලට ඇතුළත් කර ගැනීමේදී ප්‍රමුඛතාව ලබාදෙන ලෙස විදේශ
සේවා නියුක්ති කාර්යාංශය මගින් දැනට ලිපියක් නිකුත් කිරීමේ වැඩපිළිවෙළක් ක්‍රියාත්මක වන බවද එම කාර්යාංශය පෙන්වා දෙයි.
-අමිත් මධුරංග-
