10.30 pm
පාස්කු ඉරිදා මඩකලපුව සියෝන් ක්‍රිස්තියානි දේවස්ථානයේ බෝම්බය පුපුරවා ගත් පුද්ගලයාගේ ශරීර කොටස් එම ප්‍රදේශයේ සුසාන භූමියක මිහිදන් කිරීමට දැරූ උත්සාහයක් නිසා
මඩකලපුවේ නොසන්සුන්කාරී තත්වයක් ඇතිව තිබේ.
විරෝධතාකරුවන් කොළඹ-මඩකළපුව ප්‍රධාන මාර්ගය අවහිර කරමින් , ටයර් පුළුස්සා දමමින් විරෝධයේ නිරත වූ බව වාර්තා විය.
නොසන්සුන්කාරී තත්වය පාලනය කිරීමට පොලිසියෙන් කඳුළු ගෑස් ප්‍රහාරයක් එල්ල කළ බවද වාර්තා විය.
මෙම නොසන්සුන් තත්වය නිසා කිහිපදෙනෙක් තුවාල ලබා ඇති බවද රාත්‍රී වාර්තා විය.
මඩකලපුව රෝහලට පිරිමි 2 නෙකු හා කාන්තා 2 නෙකු ඇතුළු කළ බව තහවුරු කර තිබේ.
තත්වය දැන් පාලනය කළ බව පොලිසිය දන්වා ඇත.
