රජයේ ප්‍රවෘත්ති දෙපාර්තමේන්තුවේදී ඊයේ (06දා) පැවැති මාධ්‍ය හමුවක අදහස් දක්වමින් ඒ මහතා මේ පිළිබඳව ප්‍රකාශ කළේය.
ඉලෙක්ට්‍රොනික් ප්‍රවේශපත් ක්‍රමය හඳුන්වාදීමේදී එය ආකාර හතරකින් ක්‍රියාත්මක කිරීමට බලාපොරොත්තු වන බවද ඩිලන්ත මහතා පැවසීය.
මේ යටතේ කිව්.ආර්. කේත ක්‍රමය ඔස්සේ, ස්මාර්ට් කාඩ් ඔස්සේ සහ ස්වයංක්‍රීය උපකරණ හරහා දුම්රිය ප්‍රවේශපත් ලබාගැනීමේ අවස්ථාව මගීන්ට හඳුන්වාදීමට දුම්රිය දෙපාර්තමේන්තුව කටයුතු කරන බවත්, එම ක්‍රම සදහා මගීන් හුරුවනතුරු සාමාන්‍ය ප්‍රවේශපත් ලබාදීමේ ක්‍රමවේදයද ක්‍රියාත්මක කරන බවත් ඒ මහතා සඳහන් කළේය.
එමෙන්ම කැලණිවැලි දුම්රිය මාර්ගයේ ද්විත්ව මාර්ගකරණය යටතේ මරදානේ
කණු මත යන විදුලි දුම්රිය මාර්ගයක් ඉදිකරන අතර, එහි ඉදිකිරීම් මේ වසරේදී ආරම්භ කරන බවද දුම්රිය සාමාන්‍යාධිකාරිවරයා පැවසීය.
දුම්රිය තදබදය අවමකර ගැනීම සඳහා මරදාන කොටුව අතර දුම්රිය මාර්ග ප්‍රමාණය 08ක් බවට පත්කරන බවත්, පොල්ගහවෙල - කුරුණෑගල දුම්රිය මාර්ගය සඳහා විද්‍යුත් සංඥා ක්‍රමය හඳුන්වා දෙන බවත් ඒ මහතා සඳහන් කළේය.
එහිදී වැඩිදුරටත් අදහස් දැක්වු දුම්රිය සාමාන්‍යාධිකාරීවරයා.
"ඉලෙක්ට්‍රොනික් ටිකට් ක්‍රමය මේ වසරේදී හඳුන්වා දෙන්න අපි බලාපොරොත්තු වෙනවා. ඒ අනුව ආකාර හතරක් ක්‍රියාත්මක කරන්න අපි බලාපොරොත්තු වෙනවා. කිව්.ආර්. කෝඩ් (OR කේතක්‍රමය) මගින් ටිකට් ලබාගැනීමට, ස්මාර්ට් කාඩ් ක්‍රමය හඳුවෝ දෙන්න, ටිකට් ලබාගත හැකි මැෂින් සවි කරන්න වගේම දැන් පවතින ටිකට් ක්‍රමයත් යම් කාලයක් යනතුරු පවත්වාගෙන යන්න බලාපොරොත්තු වෙනවා.
තදබදය අවම කරගන්න මරදාන - කොටුව අතර මාර්ග 08ක් සකස් කරනවා. ඒ වගේම දුම්රිය ස්ථාන නවීකරණය කිරීමේ කටයුතු මේ වසර. ඇතුළත සිදුකරනවා"
යනුවෙන් පැවසීය. එහිදී අදහස්
"උඩරට යන දුම්රියවල ලොකු ප්‍රශ්නයක් තිබුණා. ඒ තමයි තැරැවිකාරයෝ විදේශිකයන්ගෙන් වැඩි මුදලට ටිකට් අලෙවි කිරීම. මේ නිසා අපි තාවකාලික විසඳුමක් එයට හඳුන්වා දුන්නා.
නමුත් එය 100% සාර්ථක නැහැ. කොහොම වුණත් ඉලෙක්ට්‍රොනික් ටිකට් ක්‍රමයට හරහා මේ දේවල් අවම වේවී කියලා අපි හිතනවා.ඒ වගේම විදේශිකයින්ට වගේම රටින් පිට සිටින අයටත් මාස කිහිපයක කලින් ටිකට් බුක් කිරීමේ හැකියාව ම් ක්‍රමවේදය හරහා තිබිනවා.
ඒ වග්ම පොල්ගහවල සිට පොතුහැර දක්වා විදුලි සංඥා ක්‍රමය හඳුන්වා දීමටත් පොල්ගහවෙල - කුරුණෑගල මාර්ගය ද්විත්ව මාර්ගයක් බවට පත්කිර්මත් මේ වසරේදී සිදුකරන්න අපි බලාපොරොත්තු වෙනවා" යැයි සදහන් කළේය.
-චාමර සම්පත්-
