චමීර පෙරේරා මහතා පැවැසීය.
චමිර පෙරේරා මහතා ඒ බැව පැවැසුවේ පසුගියදා හිල්සයිඩ් හෝටලයේ පැවැති මාධ්‍ය හමුවකට එක්වෙමිනි.
එහිදී ඒ මහතා මෙසේද කීය.
ප්‍රජාතන්ත්‍රවාදය නැති වුණේ යුද්ධෙන් පස්සේ. 18 ව්‍යවස්ථා සංශෝධනය ගෙනල්ලා මේ රටේ
ප්‍රජාතන්ත්‍රවාදී මුහුණුවර වෙනස් කළා. යුද්ධෙන් පස්සේ තමයි කොළඹ ප්‍රදේශයේ තරුණයෝ පැහැර
ගත්තේ. මාධ්‍යවේදීන්ට පහර දුන්නේ, මාධ්‍යවේදීන් අතුරුදන් කළේ. ගෝඨාභයගේ ප්‍රජාතන්ත්‍රවාදය
රෙද්ද පල්ලෙන් බේරෙනවා. සිහි කල්පනාවක් තියෙනවා නම් ගෝඨාභයට රෙදි ඇඳගෙන
ප්‍රජාතන්ත්‍රවාදය ගැන කතා කරන්න බෑ. රතුපස්වල මිනිස්සු වතුර ටිකක් ඉල්ලුවේ, තමන්ගේ හිතවත්
ව්‍යාපාරිකයාගේ කර්මාන්ත ශාලාව ආරක්ෂා කර ගන්න, වෙඩි තිබ්බා මැරුවා මිනිසුන්ව. මෙන්න මහින්ද
රාජපක්ෂගෙයි ගෝඨාභය රාජපක්ෂගෙයි කෙරුවාව.
පන්සලකට පැනලා කඩුවක්
ප්‍රජාතන්ත්‍රවාදයේ තප්පුලන ප්‍රජා චණ්ඩවාදය තමයි වුණේ. ප්‍රජාතන්ත්‍රවාදය යටතේ නෙවෙයි.
රාජපක්ෂලා කතා කරනවා නිදහස දුන්නේ කාටද?
ගෝඨාභය රාජපක්ෂට මිනීමැරුම් චෝදනා තියෙනවා. දූෂණ චෝදනා තියෙනවා. මේ දේවල් මේ විදියට
තියෙන නිසා තමයි කල්තියාම ප්‍රශ්නත් අහලා, උත්තරත් දීලා අන්තිමට ජනතාවට ප්‍රසිද්ධ කරන්න
බලන්නේ. මාධ්‍යවේදීන්ටත් දැන් තේරෙනවද? අන්න ඒ යකාගේ තරම. මෙයා දෙන්නේ නෑ
ප්‍රජාතන්ත්‍රවාදය. රාජපක්ෂලාගේ පැටිකිරියම ප්‍රජාතන්ත්‍ර විරෝධියි.
ගෝඨාභය රාජපක්ෂ මහත්තයා ප්‍රජාතන්ත්‍රවාදය සහ ජනතා නියෝජිතයන් පිළිගන්න කෙනෙක් නෙවෙයි.
දිස්ත්‍රික්කවල එයාගේ ටාස්ක් ෆෝස් (Task force) එකක් හදනවා. ඒක හැදුවට පස්සේ ඔය
සංවිධායකවරුන්ගේ ආසන සංවිධායකවරුන්ගේ ජනතා නියෝජිතයන්ගේ ජොබ් නැති වෙනවා. ඒකට පත්වෙන්නේ
හිටපු කෝප්‍රල්ලා, සාජන්ලා, මේජර්ලා, කපිතාන්වරු. ඒ අය අතට තමයි බල යන්නේ. බැසිල් රාජපක්ෂ
මහත්තයා හදපු සංවිධායකවරුන්ට එහෙම සුම්මා තමයි. අවසානයේ මහින්ද රාජපක්ෂ මහත්තයටත් ජොබ් එක
නැති වෙනවා.
ශ්‍රී ලංකා නිදහස් පක්ෂය කැට තියලා පරද්දන්නේ. කිසි කෙනකුට එන්න දෙන්නේ නෑ. ශ්‍රී ලංකා
නිදහස් පක්ෂය අවසන් කරන වැඩේ මේ කරන්නේ. අපි එක්සත් ජාතික පක්ෂය සමඟ
ප්‍රජාතන්ත්‍රවාදී ගුණාංග ආරක්ෂා කරන්න. ජනතාව ඉල්ලන අපේක්ෂා කරන, අභිලාෂයන් නියෝජනය
කරන දේශපාලන සංස්කෘතියක් ආරක්ෂා කරන්න. එක්සත් ජාතික පක්ෂයේ මහජන නියෝජිතයන්, ජනතා
පදනමක් තියෙන නියෝජිතයන් අයින් කරලා. කෙමින් කෙමින් එජාපයම රෝයල් ජුන්ටාවක් බවට පත්කරමින්
තියෙනවා. රෝයල් ජුන්ටාවට සක්ක ගහන කොළඹ කේන්ද්‍රිය සිවිල් ප්‍රභූන් කිහිපදෙනෙක් එකතු වෙලා මේ
ජනවාරි 08 ව්‍යාපාරය විනාශ කරන්න යනවා.
අපි දැක්කා මාධ්‍යවල පළ වෙනවා රනිල් වික්‍රමසිංහ මහත්තයා කියනවලු මට කරදර කළොත් මං මේක
කරු ජයසූරිය මහත්තයට භාරදෙනවා කියලා. රනිල් වික්‍රමසිංහ මහත්තයගෙන් අහන්නේ තමුන්ගේ බූදලයක්ද
ජනාධිපති අපේක්ෂකකම දෙන එක. තමුන් දෙවියන් වහන්සේද තමුන්ට ඕනි කෙනෙක්ට අපේක්ෂකකම දෙන්න.
ජනතාව ඉල්ලන කෙනාටයි මේක දෙන්න ඕනි. ජනතාව ඉල්ලන දෙය වැදගත් වෙන්නේ. ජනතාව ඉල්ලන
අපේක්ෂකයා සජිත් ප්‍රේමදාස. රොයල් ෆැමිලි තියෙන්නත් බෑ. රොයල් ක්ලබ් තියෙන්නත් බෑ. අවශ්‍ය
කරන්නේ ජනතා නියේජිතයෙක්.
නෝර්වුඩ් - නීටා පත්ම කුමාරි
