කළේය.ත‍්‍රස්තවාදය වැළැක්වීමේ පනත ප්‍රකාරව දින 30ක කාලයක් රඳවා ප්රශ්න කිරීමෙන් පසු අපරාධ පරීක්ෂණ දෙපාර්තමේන්තුව මෙම සැකකරු අධිකරණය වෙත ඉදිරිපත් කළ අවස්ථාවේදී මෙම නියෝගය නිකුත් විය.
ඒ අනුව මෙලෙස රක්ෂිත බන්ධනාගාර ගත කරනු ලැබුවේ මඩකළපුව කාත්තන්කුඩි ප්‍රදේශයේ පදිංචි අහමදු මොහම්මදු අර්සාද් නමැති ව්‍යාපාරිකයෙකි.කොළඹ කිංස්බරි හෝටලයේදී මරාගෙන මැරුණු බෝම්බකරුවන් සම්බන්ධ මහේස්ත්‍රාත් පරීක්ෂණයට අදාළව පෙත්සමක් ගොනුකරමින් අපරාධ පරීක්ෂණ දෙපාර්තමේන්තුව මෙම සැකකරු අධිකරණයට ඉදිරිපත් කර තිබුණි.
කිසිවකුට සෑදීමට නොහැකි ආකාරයෙන් ජාලයක් නිර්මාණය කොට ඒ මගින් පාස්කු ප්‍රහාරය අයි.එස්.අයි.එස්. ත්‍රස්ත සංවිධානය සිදුකළ එකක් බවට දිරිගැන්වීමට අවශ්‍ය කටයුතු සම්පාදනය කර ඇත්තේ මෙම සැකකරු බවත්, මොහු ජාතික තවුහිත් ජමාත් සංවිධානයේ මුල් කාලයේ සිටි ප‍්‍රබල ක්‍රියාකාරිකයකු බවට හඳුනාගෙන ඇති බවත් අපරාධ පරීක්ෂණ දෙපාර්තමේන්තුව වැඩිදුර බී වාර්තාවක් මගින් අධිකරණයට දැනුම් දෙනු ලැබීය.
මෙම සිද්ධියට අදාළව අපරාධ පරික්ෂණ දෙපාර්තමේන්තුව තුළ රඳවා තබාගෙන ප්රශ්න කිරීම් සිදුකරනු ලබන ජාතික තවුහිත් ජමාත් සංවිධානයේ සාමාජිකයකු වූ සහරාන් ෆස්රූල් නමැත්තාගෙන් කරනු ලැබූ ප්රශ්න කිරීම්වලදී මෙන්ම ඔහුගේ අන්තර්ජාල සබඳතා නිරික්ෂණය කිරිමෙන් අනතුරුව මෙම සැකකරු සම්බන්ධයෙන් තොරතුරු අනාවරණය කර ගත් බව ද අපරාධ පරික්ෂණ දෙපාර්තමේන්තු අධිකරණයට කරුණු ඉදිරිපත් කළේය.
යුද හමුදා බුද්ධි අංශය මෙම සැකකරු අත්අඩංගුවට ගෙන තම දෙපාර්තමේන්තුව වෙත බාරදුන් බවත්, මොහු අයි.එස්.අයි.එස්. ත්‍රස්ත සංවිධානය සමග ඍජුවීම දිගින් දිගටම සම්බන්ධතා පවත්වා ඇති පුද්ගලයකු බවට අනාවණය වී ඇති බව ද අපරාධ පරික්ෂණ දෙපාර්තමේන්තුව අධිකරණයට දැනුම් දී ඇත.
එසේම, ජාතික තවුහිත් ජමාත් සංවිධානයේ ප්‍රබලයකු බව කියන සහරාන් ෆස්රූල් (මේ වනවිට රැඳවුම් නියෝග මත අපරාධ පරික්ෂණ දෙපාර්තමේන්තුවේ රඳවා තබාගෙන ප්රශ්න කිරිම සිදුකරනු ලබන සැකකරු) යන අයගේ අනුදැනුම මත සහ ඉල්ලීම මත පාස්කු ප්‍රහාරය
ප්‍රහාරයක් බවට දිරිගැන්වීමට අවශ්‍ය කටයුතු සිදුකර ඇති බව ද අනාවරණය වී ඇතැයි ද අපරාධ පරික්ෂණ දෙපාර්තමේන්තුව වැඩිදුරටත් අධිකරණයට වාරිතා කර තිබේ.
මෙම සැකකරු සිදුකර ඇති ත්‍රස්ත ක්‍රියා සම්බන්ධයෙන් විමර්ශන මෙතෙක් අවසන්ව නොමැති බැවින් ඇප පනත ප්‍රකාරව සැකකරු රක්ෂිත භාරයට පත්කරන ලෙසට මෙහිදී අපරාධ පරික්ෂණ දෙපාර්තමේන්තුව අධිකරණයෙන් ඉල්ලා සිටියේයෙ. ඉදිරිපත් වූ කරුණු සැලකිල්ලට ගත් අධිකරණය සැකකරු ලබන 18 වැනිදා තෙක් රක්ෂිත බන්ධනාගාර ගත කරන ලෙසට නියෝග කරමින් එදින තෙක් නඩුව කල් තැබීය.
පාස්කු ප්‍රහාරයේදී මරාගෙන මැරුණු බෝම්බකරු වූ අසාම් මොහොමඩ් මුබාරක් නොහොත් 'අබ්දුල්ලා' නමැත්තා කොළඹ කිංස්බරි හෝටලයේදී මෙම ප්‍රහාරය සිදුකළ තැනැත්තා ලෙසට මේ වනවිට ආරක්ෂක අංශ තොරතුරු අනාවරණය කරගෙන ඇත.
-නිමන්ති රණසිංහ-
