ඇය විසින් අකුරැස්ස පොලිසියට පැමිණිල්ලක් කර ඇත.
මෙසේ පැමිණිලි කර ඇත්තේ අකුරැස්ස, ගලබඩහේන කුරුඳුවත්තේ වලිමුණිගේ කරුණාවතී නමැති කාන්තාවකි.
මෙම කාන්තාව දියවැඩියාවට බෙහෙත් ගැනීම සඳහා අකුරැස්ස රෝහලේ පැවැත්වෙන සායනයට මසකට වරක් යන කාන්තාවකි.
මෙදින වැඩ වර්ජනයක් බව දැන සිටියද වැඩි
තැකීමක් නොකළ ඇය කෙසේ හෝ ලේ පරීක්ෂා කර ගැනීමේ අරමුණින් බාහිර රෝගී අංශයේ බංකුවේ වාඩිවී සිටින විට එම ස්ථානයට පැමිණි අයෙකු ඇයව චෙක්කළ හැකි බවත්, ඇය අසළ සිටි අනිත් කාන්තාවටද බෙහෙත් ලබාදිය හැකි බවත් පවසා විනාඩි 15 කට විතර පසුව බෝධිය පැත්තෙන් පහේ වාට්ටුවට එන ලෙස පවසා ඇත. ඒ අනුව ඇය සහ අනෙක් කාන්තාව එම වාට්ටුවට ගොස් තිබේ. එසේ යනවිට මෙම පුද්ගලයා එහි සිටි ඇටෙන්ඩන් සමග කතාකරමින් සිට ඇත.
පසුව මෙම කාන්තාව ළඟට පැමිණි පුද්ගලයා ඇයව වාට්ටුවේ ඇඳක් අසලට රැගෙන ගොස් ඇයට ඇඳේ දිගාවන ලෙස පවසා වටතිර දමා තිබේ. එම අවස්ථාවේ මාල හා මුදු තිබෙන විට පරීක්ෂා කිරීම අපහසු බව පවසා ඒවා ගළවා බෑගයේ දමා මේසයේ තබන ලෙස
ඇටෙන්ඩන් යළිත් පැමිණ කාරය නැති බව පවසා තිබේ. ඒ අවස්ථාවේදී ඔහු මම ගිහින් බලල එන්නම් කියා එම ස්ථානයෙන් පිටව ගොස් ඇත.
මෙසේ ගිය ඔහු හුඟ වෙලාවකින් නොපැමිණි නිසා කාන්තාව බෑගය බලද්දී එහි මාලය හා මුද්ද නොමැති බව දැක ඒ බව සිටි අනිත් කාන්තාවටද පවසා ඇත. මේ පිළිබඳව ඇටෙන්ඩන්ට පැවසීමේදී මේ ගැන මුලදී කිව්වේ නැත්තේ ඇයි දැයි ඔහු විමසා තිබේ.
මෙම පැමිණිල්ල අනුව හොර වෛද්‍යවරයා අත්අඩංගුවට ගැනීමට අකුරැස්ස පොලිසිය පරීක්ෂණ පවත්වයි.
ප‍්‍රසාද් විද්‍යාරූප - අකුරැස්ස
