පියකු ගල්ගමුව පොලිසිය මගින්
සැකකරු ගල්ගමුව, බේරබැදියාවේ පදිංචි අයකු වන බවත් දිවයිනේ ලියාපදිංචි අපරාධකරුවන්ගේ නාම ලේඛනයට ඇතුළත්ව සිටින අයකු බවත් පොලිසිය කීය.
මෙකී කාන්තාව රාත්‍රි ආහාර ගෙන බල්ලාට බත්දීමට එළියට පැමිණ ඇත. එවිට සැකකරු මුහුණ ආවරණය කරගෙන විත් ඇය අල්ලාගෙන බෙල්ලට පිහියක්‌ තබා බියගන්වා නිවස තුළට රැගෙන ගොස්‌ අතවර කිරීමට උත්සාහ දරා ඇති බව කියයි.
කාන්තාව සැකකරු සමග පොරබදා ඇති අතර එවිට සැකකරු ඇගේ කන හා උරහිස සාපා කා පිහියකින් ශරීරයේ තැන් කිහිපයක්‌ කපා තුවාල සිදුකර ඇති බව පොලිසිය කියයි. දෙදෙනා පොර බැදීමේ දී සැකකරුගේ මුහුණ ආවරණය ගැලවී යැම නිසා කාන්තාව සැකකරු හඳුනාගෙන තිබේ.
කාන්තාව අසල නිවසකට දිවගොස්‌ ඇති අතර ඔවුන් ඇය ගල්ගමුව රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා කුරුණෑගල ශික්‌ෂණ රෝහලට මාරුකර යවා තිබේ.
හූරිගස්‌වැව - ඒ. කරුණාතිලක
