ඇමැතිවරුන් කවුදැයි සොලිසිටර් ජනරාල් දිල්රුක්ෂි ඩයස් වික්‍රමසිංහ මහත්මිය වහාම රටට හෙළිකළ යුතුයැයි විපක්ෂ නායක මහින්ද රාජපක්ෂ මහතා ඊයේ (24) පැවැසීය.
එහිදී ඔහු මෙසේ ද කීය. 19 වැනි ආණුඩුක්‍රම ව්‍යවස්ථා සංශෝධනය ගෙනාවේ අපට කපන්නයි. අපිට කපන්න ගෙනා ඒ සංශෝධනයෙන් අද රටම කප්පාදුවෙලා. ඇමැතිවරුන්ගේ බලපෑම් නිසා තමන් ගෝඨාභය රාජපක්ෂ මහතාට නඩු පැවරූ ඛට සොලිසිටර් ජනරාල් දිල්රුක්‍ෂ ඩයස් වික්‍රමසිංහ මහත්මිය කියනවා. එහෙමනම් ඒ බලපෑම් කළ ඇමතිවරුන් කවුරුන්දැයි ඇය වහාම රටට හෙළිකළ යුතුයි. එහෙම නැතිවුණොත් ජනාධිපතිවරයාගේ සිට ආණ්ඩුවේ සියලුම මැති ඇමැතිවරුන්ට මේ චෝදනාව එල්ලවෙනවා. නීති කඩන, නීති නවන නිලධාරින්ගෙන් අපට වැඩක් නැහැ. මේ ආකාරය පලිගන්නා ආණ්ඩුවලින් රටටත් වැඩක් නැතැයිද රාජපක්ෂ මහතා කීය.
(සංජීව දහනායක)
