ඇයගේ සිරුර විය හැකි බවට සැකකරන කාන්තා මළ සිරුරක් ගැන හෝඩුවාවක් ලැබීමෙන් ඇගේ ඥාතීන් එය හදුනාගැනීමට උත්සාහ දරා තිබේ.
මහනුවර ප්‍රදේශයේ සිට වත්තේගම දෙසට මහවැලි ග‍ඟේ ගසාගෙන ගොස් තිබෙන මෙම අඩනිරුවත් කාන්තා මළ සිරුර පාසල් ගුරුවරියගේ බවට ඇගේ ඥාතීන් සැකකර තිබේ.
අතුරුදන් ගුරුවරිය වන නිසංසලා රත්නායක (27) ගුරුවරියගේ ඥාතීන් මෙම තොරතුරු අනුව අදාළ මළ සිරුර සොයා ගමන් කර තිබේ.
අද සිරුර ගොඩගැනීමේ කටයුතු පොලිසියේ මෙහෙයවීමෙන් සිදු කරන බවද වාර්තාවේ. අතුරුදන්වූ ගුරුවරිය ගැන මේ දක්වා කිසිම වෙනත් හෝඩුවාවක් ලැබී නැති නිසා මෙම සිරුර ගැන විශාල කුතුහලයකින් පසුවන බව ඥාතීන් දන්වා තිබේ.
ගම්පොළ කීරපන ප්‍රදේශයේ පදිංචිව සිටි චන්දිමා නිසංසලා ගුරුවරිය මෙසේ අතුරුදන්ව තිබුනේ පාසල් නිමවී නිවසට පැමිණෙමින් සිටි අවස්ථාවකය.
හැටන් ශ්‍රීපාද විද්‍යාලයේ ඉංග්‍රීසි ගුරුවරියක ලෙස සේවය කරන ඇය පසුගිය 01දා පාසල නිමවී සවස නිවසට එමින් සිටියදී නිවස අසලදී අතුරුදන්ව තිබූ අතර මමීටර සියයකට එහා සීසීටීවී කැමරාවක ඇය එනු පෙනී තිබියදී ඇය නිවස අසළදීම කිසියම් අභිරහස් සිදුවීමක් මත අතුරුදන්ව තිබුණි.
ගම්පොල පොලීසියේ සේවය කළ උපපොලිස් පරීක්ෂකවරයෙකු සමග විවාහ ගිවිසගෙන සිටි මෙම ගුරුවරිය මෙම මස 29දා ඔවුන්ගේ නම් ලියාපදිංචියටද යොදාගෙන තිබූ පසුබිමක ඊට සති කිහිපයකට පෙර මෙසේ අතුරුදන්ව තිබුණි.
