ශ්‍රී ලංකා පොදුජන පෙරමුණේ ජනාධිපති ධුර අපේක්ෂක ගෝඨාභය රාජපක්ෂ මහතාට සහාය පළ කිරීම සදහා එක්වෙමින් කොළඹ පදනම් ආයතනයේදී පසුගියදා (18) මාධ්‍ය හමුවක් කැඳවමිනි,
ඒ අනුව ත්‍රස්තවාදය වැළැක්වීමේ පනත යටතේ ගෝඨාභය රාජපක්ෂ මහතා අත්අඩංගුවට ගැනීමට සූදානම් වූ අවස්ථාවේදී ඒ පිළිබඳ ජනාධිපතිවරයා සහ අගමැතිවරයා සමග සාකච්ඡා කර තමන් එය වැළැක්වූ බවද මන්ත්‍රීවරයා එහිදී පවසා සිටියේ. මාධ්‍ය හමුවේදී මේ පිළිබඳ වැඩිදුර පැහැදිලි කිරීමක නිරත වූ විජයදාස රාජපක්ෂ මහතා, “ආරක්ෂක ලේකම් වුණ ගෝඨාභය රාජපක්ෂ මහතා අත්අඩංගුවට ගැනීමේ ලිපියක් නීතිපති දෙපාර්තුමේන්තුව ට නිකුත් කළා. ඒක එතනින් එහාට යාම මම නතර කළා. ඇවන්ට් ගාඩ් නැව සමිබන්ධයෙන් අත්අඩංගුවට ගැනීමක් කළාට පස්සේ අවසාන මොහොතේ අපේ පැත්තට ආපු ඇමැතිවරයෙකුගේ ගෙදර ඉදගෙනයි ලියුම හදන්නේ,
ගෙදර හදපු ලියුම නීතිපති සොලිසිටර්වරයකුගේ අත්සනින් තමයි ආවේ. කොහොමද එහෙම වෙන්නේ. මේ ගැන කතා කරපුවාම ආණ්ඩු විරෝධීයෙක් ලෙසයි මාව හැදින්වුයේ. ත්‍රස්තවාදය වැළැක්වීම් පනත යටතේ රට ලේ විලක් කරපු ප්‍රභාකරව එක පැයකට අත්අඩංගුවට ගන්න බැරි වුණා.
අධිකරණ ඇමති විදියට තියෙන තැන කියන්න අල්ලාගෙන එන්නෙම් කියලා මම කිවිවා. අවසානයේ ජේ.සී. වැලිඅමුණායි, අල්ලස් ජෙනරාල්වරියයි ජනාධිපතිට බල කරලා ඩුබායි රාජ්‍ය නායකයාට ලියුමක් දුන්නා හොරකම් කරපු මුදල් ගැන සදහන් කරලා. ඒ ලියුම බලපු ඩුබායි රටේ රාජ්‍ය නායකයා උඹලාගේ ආණ්ඩුවට පිස්සුද කියලා අහලා එවලා තිබුණා” යැයිද කීය.
නිඳර්ශනී වික්‍රමසිංහ
