බස්නාහිර පළාත් අපද්‍රව්‍ය කළමනාකරණ අධිකාරියේ අධ්‍යක්ෂ නලීන් මාන්නප්පෙරුම මහතා පැවසීය. එසේ මුදාහැරෙන කසළ මාසිකව ගණනය කළහොත් ඉඳුල් අපද්‍රව්‍ය මෙට්‍රික් ටොන් දහඅටදහයකට ආසන්න ප්‍රමාණයක් පමණ වන බව මාන්නප්පෙරුම මහතා පැවසීය.
දිනකට කුණු කඳුවලට
පැරැන්නන් භාවිත කළ ඉතුරුම් බත්වලින් අග්ගලා හදන පුරුදු අද දක්නට නොමැති බව පෙන්වාදෙන ඒ මහතා උදෑසන උයා ගත්තා බත් හැළිය සහ මස් තලිය කෙලින්ම එන්නේ කුණු ගොඩට බව පැවසීය.ඇතැ අය මංගල උත්සවයකට හෝ දානේ ගෙදරක ගියත් තමන්ට කන්න බැරි තරමට බෙදාගන්නා බවත් තම දරුවන්ට පවා කන්න බැරි තරම් කෑම බෙදා අවසානයේ ඉඳුල් ලෙස විසිකරන ආහාරවලින් කුණු කඳ නිර්මාණය වන බව ඔහු පැවසීය.
පිසු ආහාර නිකන්ම කුණු ගොඩට යවනවා වෙනුවට සතෙකුට කන්න දැමීම, බෙදාගත් ආහාර විසි නොකර ආහාරයට ගැනීම, නිවසේ සිටින ප්‍රමාණයට සරිලන්න කෑම පිසීම කසළ කළමනාකරණයට මනා පිටිවහලක් බව ද පැවසීය. කසළ කළමනාකරණය යනු කුණු ටික වෙන්කර කුණුගොඩ දැමීම පමණක් නොවන බව පෙන්වා දෙන ඒ මහතා නිවසේ මුදල් කළමනාකරණය මගින් ද කසළ කළමනාකරණය වන බව පැවසීය.
-රේඛා තරංගනී-
